YES Dancers, wagi sa Showtime!

Wagi sa inter town dance contest ng isang noon time show ang YES Dancers.

Ang YES Dancers ay binubuo ng humigit kumulang na isang daang mananayaw na pambato ng Cabanatuan. Sa pangunguna ng batikang Dekada All Stars, may siyam na iba pang grupo ang nagsanib upang maitayo ang bandila ng Cabanatuan sa national TV.

Mula sa remote broadcast sa City Hall, pinagunahan ni Mayor Jay Vergara ang pagpapakilala sa grupo kasabay ng kanyang pagmamalaki sa buong bansa sa Cabanatuan sa mga natatangi nitong mga produkto at bilang isang progresibong lungsod.

Read more »

Carranglan, Nueva Ecija Mayor Restituto Abad, pumanaw na

Pumanaw na ang 54-anyos na alkalde ng Carranglan, Nueva Ecija na si Restituto Abad matapos pagbabarilin ng riding-in-tandem noong Sabado sa Barangay Saranay sa Bayan ng Guimba.

Ayon kay Sr. Insp. Herman Lising, hepe ng Carranglan Police, alas-12:15 ng hatinggabi nang bawian ng buhay si Abad.

Tama sa kilikili at balikat ang tinamo nito at naisugod pa sa Doctor's Hospital sa Nueva Ecija.
Nailipat pa ito sa St. Luke's Medical Center sa Global City sa Taguig, kung saan siya binawian ng buhay. 
Kasalukuyang nagpapagamot pa ang driver ng alkalde na si Satty Duclayan, na tinamaan din sa kanyang leeg at ulo .

Samantala, natimbog na noong Sabado ang isa sa mga suspek na kinilalang si Bernilo Pascual habang pinaghahanap pa ang kasama nitong gunman.

Read more »

Pamumuno sa 7ID, pormal nang naipasa kay Luga

Pormal nang isinalin kaninang umaga ni Major Gen. Jose Mabanta, Jr. kay Brigadier Gen. Alan Luga ang responsibilidad bilang commander ng 7th Infantry Division.

Ginanap ang change of command ceremony sa Grandstand ng Fort Magsaysay sa Palayan City. Ang Commanding General ng Philippine Army na si Lt. Gen. Emmanuel Bautista ang nagsilbing presideng officer sa nasabing change of command.

Itinalaga naman si Maj. Gen. Mabanta bilang pinuno ng 3rd Infantry Division sa Western Visayas.

Ayon kay AFP Chief of Staff Jessie Dellosa, ang isinagawang pagtatalaga ay senyales ng masidhing adhikain ng militar na patatagin ang pamamahala at propesyonalismo sa kanilang hanay.

Aniya, ang bawat lugar sa bansa ay may pabago-bagong sitwasyong nangangailangan ng angkop at bagong pamamaraan ng pagtugon. 

Read more »

AFP, no hold on Palparan

Retired Major General Jovito Palparan is no longer in the active military service. The AFP has no hold on him being a civilian, a press release said.

Meanwhile, the AFP has already facilitated the turnover of the two active personnel, namely Lt. Col. Felipe Anotado, Jr. and Staff Sgt. Osorio, to the authorities for proper disposition.

The report added that the AFP is a professional organization composed of disciplined and law abiding soldiers. It is not the policy of the AFP to coddle and provide safe harbor to any person wanted by law.

It says that they fully trust the justice system and believe in the due process of law. The AFP believes that retired Major Gen. Palparan should turn himself in and answer all allegations hurdled against him. It would be better for him to face the case and take the opportunity of proving that he is not guilty and that he is innocent.

Their unit commanders have disseminated the "lookout bulletin" handed down by Army headquarters; and our soldiers will inform proper authorities if they will spot Gen. Palparan in their duty assignments.

Read more »

Impeachment Trial - 1188 DZXO am live coverage

Live na mapapakinggan sa aming sister station, 1188 DZXO am ang Impeachment Trial kay Chief Justice Renato Corona simula alas-2 ng hapon. Mula sa Senado hanggang sa inyong radyo, ihahatid ng 1188 DZXO am ang mga pinakahuling kaganapan sa malaking bahaging ito ng ating kasaysayan.

Read more »

Ang Paglilitis Day 4: SALN ni CJ Corona, bubusisiin ngayon

Inaasahang itutuloy ngayon ng House prosecution panel at ng senator-judges ang pagbusisi sa nilalaman ng statement of assets, liabilities and net worth (SALN) ni Chief Justice Renato Corona.

Ayon kay Prosecution Spokesperson Aurora Congressman Juan Edgardo "Sonny" Angara, hindi na inaasahang paharapin pa nila si Supreme Court Clerk of Court Enriquetta Vidal matapos nitong isumite kahapon ang SALN ng punong mahistrado, gayundin ang ikalawang testigong si Marianito Dimaandal, ang hepe ng Malacañang records office.

Sa halip, plano ng prosekusyon na iharap ngayong araw ang registrar of deeds at city assessor ng anim na siyudad na kinaroroonan umano ng mga lupain at condo unit ni Corona.

Inaasahang higit walong testigo ang ihaharap ngayong araw.

Kaninang umaga, inumpisahan na ang marking ng mga ipina-subpoenang dokumento kabilang na iprinisintang ebidensya ni Dimaandal kahapon o ang mga lumang SALN ni Corona.

Sarado sa media ang pagmamarka ng mga dokumento na isinagawa sa session hall ng Senado.

Una nang iniutos kahapon ni Enrile ang maagang pagmamarka ng mga dokumentong isusumite ng mga taong sinubpoena para sa araw na ito upang mapadali ang impeachment hearing.

Read more »

Pilipinas, naungusan na ang India bilang 'largest call center agent provider' sa mundo: DOTC

Naungusan na ng Pilipinas ang India bilang nangungunang call center agent provider sa buong mundo.

Ayon sa Department of Transportation and Communications (DOTC), aabot na ngayon sa 350,000 ang call center agents sa bansa habang nasa 300,000 ang sa India noong 2011.

Dahil dito, pumapangalawa na sa Pilipinas bilang may pinakamalaking kontribusyon sa lokal na ekonomiya, ang Information Technology (IT)- Business Process Outsourcing (BPO) sunod sa remittance inflow mula sa mga overseas Filipino worker (OFW).

Sinabi ni DOTC Undersecretary Rene Limcaoco na halos masungkit na ng BPO industry ang $9 bilyong export revenue nitong 2011 o katumbas ng 4.8% sa Gross Domestic Product (GDP).

Kapag nagpatuloy aniya ang mabilis na agos ng kita sa BPO Industry, hindi malayong makakamit ang $11 bilyong target ngayong taon at pagsapit ng 2016 ay halos kapantay na nito ang OFW remittances na $25 bilyon.

Read more »

Kabataang Novo Ecijana, kasama sa 9 Global Shapers

Siyam na natatanging kabataang pinoy ang napili ng World Economic Forum bilang 2012 Young Global Shapers.

Kasama sa mga kabataang ito ang tubong Gapan na si Mildred Ople. Kinilala ng Word Economic Forum ang pagsusumikap ni Mildred na itaguyod ang countryside development at makapag-adopt ng mga makabagong teknolohiya sa agrikultura para sa mas malaking kita para sa mga mamamayan. Siya rin ang founder ng Hagonoy Young Leaders Program at nakipagtulungan na rin sa Ayala Foundation sa ginagawa nitong mga proyekto para sa kabataan.

Ang dalawamput limang taong gulang na si Mildred Ople ay nagtapos ng BS Business Administration major in Economics sa Central Luzon State University noong 2006.

Siyam na kabataan, edad dalawampu hanggang tatlumpu ang tinanggap ng WEF bilang tunay na kabataang lider dahil sa kanilang positibong kontribusyon sa kanilang komunidad.

Ang iba pang kasama ni Ople sa 2012 Young Global Shapers ay sina Anna Rosario Oposa, co-founder ng Save Philippine Seas; Maria Carmela Alvarez, ang pinakabatang alkalde ng San Vicente, Palawan sa edad na dalawamput apat; Ponce Ernest Samaniego, CEO ng Outliers; Jay Michael Jaboneta, founder ng Philippine Funds for Little Kids; Dr. Albert Bryan Lim, isang doctor mula sa San Pablo Laguna; Eleanor Rosa Pinugu, founder ng Mano Amiga Academy; Alexandra Amanda Eduque, founder at chairperson ng Habitat for Humanity Philippines Youth Council; at ang TV Host na si Bianca Gonzales, ang special advocate for children ng United Nations Children's Fund Philippines.

Read more »

PNoy, binigyang-pugay ang naging ambag ni Tandang Sora sa bansa

Binigyang-pugay ni Pangulong Benigno "Noynoy" Aquino III ang naging ambag sa bansa ng bayaning si Melchora Aquino o Tandang Sora kaugnay ng paggunita ngayong araw sa ika-200 kaarawan nito.

Sa kanyang talumpati, kinilala ng pangulo ang naging ambag ni Tandang Sora upang tulungan ang mga katipunero.

Ayon sa pangulo, sa kabila ng edad nito na 84 at walang armas, nagawa nitong makapag-ambag para makamtan ang kalayaan ng bansa.

Hinimok din ni PNoy ang mga kababayan natin na huwag kalimutan at isabuhay ang naging kabayanihan ni Tandang Sora at gampanan ang ating mga tungkulin para sa kapakanan ng bansa.

Matapos ang talumpati ng pangulo, be-bendisyunan ni Novaliches Bishop Antonio Tobias ang bagong puntod ni Tandang Sora at urn na dadalhin sa crypt ng Bagong Tandang Sora Shrine sa Banlat, Quezon City.

Read more »

DOT, inilabas na ang bagong tourism campaign ng Pinas; Bagong kampanya, worldwide trending topic sa Twitter

Pormal nang inilabas ng Department of Tourism ang campaign slogan ng bansa upang mas makahikayat pa ng mga turista, lokal man o dayuhan.

Sinabi ni Tourism Secretary Ramon Jimenez na tatawaging "It's More Fun in the Philippines" para sa mga dayuhan at  "Number 1 for Fun" naman ang kampanya para sa mga lokal na turista.

Dagdag ni Jimenez, sesentro ang kampanya hindi lamang sa magagandang tanawin sa bansa bagkus pati na rin ang maaaring gawin sa bansa bilang turista.

Binibigyang-diin ng kampanya ang simple ngunit makatotohan at magagandang asal ng mga Pilipino.

Samantala, nagkaisa ang mga Pinoy social media users upang i-promote ang pinakabagong tourism advocacy ng Pilipinas.

Sa kasalukuyan, number one trending topic sa Twitter ang hashtag... ItsMoreFunInThePhilippines.

Umaasa naman ang mga Pilipino na magiging matagumpay ang kampanyang ito upang mapalakas ang turismo at imahen ng bansa.

Read more »

PNP, inihahanda na ang seguridad para sa 'Simbang Gabi'

Pinaghahandaan na ng Philippine National Police (PNP) ang ilang security measures para sa taunang "Simbang Gabi" na magsisimula sa December 16.

 

Naglabas ang PNP ng Letter of Instruction 42-2011, isang listahan kung saan nakasaad ang ilang patnubay upang masiguro ang kaligtasan ng publiko sa mga lugar na diradayo ng mga tao, kabilang na ang mga simbahan.

 

Inutos na rin ni PNP chief Director General Nicanor Bartolome ang pagkakaroon ng dagdag alerto sa Metro Manila at Cordillera at pati na rin sa national headquarters at mga national support unit.

 

Inulit ni Bartolome ang utos nitong full alert status sa Regions 9, 10, 11, 12, 13, ARMM at Special Action Force troopers matapos ang naganap na pambobomba sa Mindanao.

 

Milyon ang inaasahang dadalo ng Simbang Gabi, itinuturing isa sa mga natatanging tradisyon ng mga Pilipino tuwing pasko.

 

Siyam na araw simula December 16,  dadalo ang mga Pilipinong Katoliko sa mga simbahan bago mag-umaga bilang novena.

 

Nagtatapos ang Simbang Gabi sa Misa de Gallo, ang misa na magaganap ng Bisperas ng Pasko.

Read more »

Brown rice, malapit nang isama sa menu ng mga fastfood chain

Malapit nang maisama sa menu ng ilang kilalang fastfood chain ang "brown rice" o "unpolished rice".

Ayon kay Philippine Rice Research Institute (PhilRice) National Rice Awareness Coordinator Ella Lois Bestil, konting panahon na lamang ang bibilangin at iaalok na rin ang mas masustansyang brown rice sa mga sikat na kainan bukod sa karaniwan nang maputing kanin.

Sinabi ni Bestil na kabilang sa mga tinatarget ng PhilRice para maghain ng brown rice sa mga parokyano nito ang mga fastfood chain at restaurant.

Aniya, puspusan silang nakikipag-ugnayan sa mga may-ari ng iba't ibang fastfood chain upang mai-promote ang brown rice sa publiko dahil sa mas mataas na taglay nitong bitamina at fiber na higit na mainam sa kalusugan ng tao.

Gayundin, patok din ang brown rice sa mga nagpapapayat dahil siksik ito sa dietary fiber, hindi tulad ng karaniwang kanin.

Bagama't medyo may kamahalan pa rin ang presyo ng brown rice kumpara sa puting kanin, mas magiging mura rin ito kapag tinangkilik na ng publiko.

Read more »

'Longest coin line' world record, nasungkit ng Pilipinas

Tagumpay na nabuwag ng Pilipinas ang rekord ng Amerika na may pinakamahabang linya ng barya.

Nakatakda nang tanghalin ang Pinas sa Guinness' Book of World Records bilang bansang may "longest coin line".

Umabot sa 68  kilometro ang linya ng mga bente singko sentimos na mas mahaba sa 64.88 kilometers na world record ng Amerika.

Nasa 3.5 milyong piraso ng mga bente singkong barya ang nilatag sa Quirino Grandstand sa Maynila.

Sa kabuuan, nagkakahalaga ito ng P850,000.

Kukunin ng Bangko Sentral ng Pilipinas (BSP) ang mga barya at papalitan ng perang papel, na siyang ibibigay sa Deparment of Education (DepEd) bilang donasyon sa pagpapagawa ng mga classroom.

Read more »

'Lolong,' pang-9 sa Top-20 most shared stories sa Facebook

Si "Lolong," na bago lang napatunayang pinakamalaking nahuling buwaya sa buong mundo, ay isa sa Top-20  most-shared na istorya sa Facebook – pang-9 sa listahan.

Ang pinakauna ay ang magnitude-9 na lindol sa Janpan noong Marso.

Ayon sa Facebook, ang top articles at video na pinagpasa-pasahan ng mga subscribers nitong taon ay mula "cute" hanggang sa mga tinatawag na "thought-provoking" stories.

Ayon sa Facebook, nangunguna sa mga tinitingnan ng subscribers nito ang satellite photos ng Japan bago pa man at matapos mangyari ang killer quake, ang inilathala ng The New York Times noong Marso.

Samantala, ang mga kuwento ng buwayang si Lolong na inilathala ng Associated Press at inilabas din ng Yahoo! News ay pang-siyam sa most read.

Kabilang din sa Top-20 stories at photos ang pagpanaw ng Apple co-founder at dating CEO na si Steve Jobs.

Read more »

Singil sa text, 80 centavos na lang mula Nov. 30

Ibinaba na ang singil ng short messaging service (SMS) mula P1 hanggang 80 centavos bawat text message simula kahapon.

Sinabi ni National Telecommunications Commission (NTC) deputy commissioner Delilah Deles na ibababa na ng Smart Communications, Globe Telecom, at Sun Cellular ang kanilang singil sa SMS.

Nauna nang naglabas ng isang memorandum circular ang NTC kung saan nakasaad ang kanilang utos na babaan ng 35 centavos hanggang 15 centavos ang kanilang singil sa bawat text –  na ang kalalabasan ay 80 centavos na lamang bawat text.

Nakasaad din sa circular na dapat ang network providers “should provide the interconnection links or circuits” upang masiguro na 99 percent ng text message ay dapat makarating sa kanilang destinasyon sa loob ng 30 segundo lamang.

Read more »

DTI, nagbabala kaugnay ng mga discounted deal sa Internet

Nagbabala ang Department of Trade and Industry (DTI) kaugnay ng mga naglipanang discounted deal sa Internet.

Ito ay sa harap ng ilang reklamo na natanggap ng ahensya hinggil sa mga kumpanya na nag-aalok ng pekeng discounted travel deals sa Palawan, Boracay at iba pang bakasyunan.

Nilinaw ni Carolina Carbonell, officer-in-charge ng Consumer Assistance and Protection Division ng DTI-National Capital Region (NCR), ligal ang mag-alok ng mga discounted deals sa Internet pero dapat aniyang ingatan ang bawat transaksyon dito.

Narito ang mga tips na ibinigay ng DTI.

1. Suriin ang website bago kumagat sa alok.

2. Subukan ang mga contact information  kung gumagana.

3. Alamin ang patakaran sa refund o kanselasyon.

4. Mag-check sa mga social networking forum bago tuluyang bumili.

Para naman sa mga nabiktima ng pekeng discounted deals, maaaring maghain ng reklamo sa pamunuan ng DTI-NCR.

Read more »

Bonus ng mga LGU employees, bukas na!

BUKAS NA!
 
Ito ang inihayag ng Department of Budget and Management kaugnay sa ipapamahaging Christmas bonus o Productivity Enhancement Incentive  sa may 1.6 milyon na government employees sa November 30.

Ayon kay Budget Sec. Florencio Abad, ang kabuuang total year-end bonus ay nagkakahalaga ng P27.82 billion.

Ang nasabing bonus ay karaniwang ibinibigay tuwing magpa-Pasko kung saan P7,000 ang galing sa national government habang P3,000 naman mula sa mga concerned agencies.

Una nang itinanggi ni Abad ang report na walang pera ang gobyerno kaya malabo pang maibigay ang bonus ng mga government employee.

Read more »

Natipid na pondo ng PNoy govt, dapat daw gawing Xmas bonus sa mga kawani

Maaaring maging galanteng Santa Claus si Pangulong Benigno “Noynoy" Aquino III ngayong Pasko sa mga kawani ng pamahalaan kung ipamamahagi niya bilang bonus ang malaking natipid ng gobyerno ngayong taon.

Sa isang pahayag nitong Huwebes, sa tinatayang P175.9 bilyon na pondo na naipon dahil sa ginawang pagtitipid ngayong taon, sinabi ni Aurora Rep. Juan Edgardo Anagara, na kayang-kaya ni Aquino na magbigay ng tig-P10,000 Christmas bonus sa 1.1 milyong kawani ng pamahalaan.

Dahil sa ginawang pagpigil na gumastos ngayong taon, naibaba ng pamahalaang Aquino ang budget deficit ng bansa sa P53 bilyon, malayo sa P260 bilyon na naitalaga noong nakaraang taon.

Sa 2012, tinatayang maibaba naman sa P180 bilyon ang deficit, kumpara sa naunang pagtaya na P300 bilyon. Dahil dito, sinabi ni Angara na kayang magbigay ni Aquino ng mas maagang Christmas bonus sa mga government worker ngayong 2011.

Read more »

Hassle-free holiday, target ng PNP

TARGET ng Philippine National Police na maging hassle-free ang holiday season.
 
Ito’y matapos dagdagan ng PNP ang kanilang pwersa sa paglalatag ng seguridad bilang paghahanda sa Christmas season.

Kasabay nito, muling nanawagan si PNP Chief Dir. Gen. Nicanor Bartolome sa publiko na lalong maging vigilante at iwasan na mabiktima ng mga mandurukot at snatcher.

Samantala, pinaalalahanan din nito ang kanyang 140, 000 tauhan sa buong bansa na huwag mag-solicit sa panahon ng Pasko.

Read more »

APIR kontra paputok, inilunsad na ng DOH

LAYUNIN ng programang APIR na mabigyan ng maagang impormasyon ang publiko laban sa nakamamatay na firecrackers.
 
Ayon kay Health Sec. Enrique Ona, tinawag nilang APIR ang kanilang tema ngayong taon na ang ibig sabihin ay “Aksyon: Paputok Injury Reduction”, kung saan target nilang maisalba ang mga daliri ng bawat isa laban sa mga paputok.

Pinaalalahanan din ni Ona ang taumbayan na ang holiday celebration ay maaari namang maging kumpleto at stress-free kung magdidiwang ng maayos at ligtas.

Read more »