Low Pressure Area sa Luzon malabo nang maging bagyo sa loob ng Philippine Area of Responsibility, ayon sa PAGASA

July 8, 2011 | 3:00 PM

NAGPAALALA ang Philippine Atmospheric Geophysical and Astronomical Services Administtration (PAGASA) sa publiko na maging alerto ngayong may sama ng panahon sa bansa.

 Sa interbyu ng Radyo Mo Nationwide kay PAGASA, Supervising Undersecretary Dr. Graciano Yumul, sinabi nitong ang nag-iisang Low Pressure Area (LPA) na kanilang binabantayan ngayon ay may posibilidad na maging ganap na bagyo anumang oras.

Gayunpaman, kahit malapit na ang bagyo sa Taiwan na papangalanang “Goring” ay inaasahan ang malakas at malawakang pag-ulan partikular sa bahagi ng Luzon dahil pinag-iibayo nito ang hanging habagat na posibleng magdulot ng flashflood at landslide.



Bagamat maulan sa Luzon, iiral naman ang magandang lagay ng panahon sa Visayas at Mindanao Region na kamakailan lamang ay matinding napinsala sa bagyong Egay at Falcon.


Samantala, isa pang LPA ang namuo sa labas ng Philippine Area of  Responsibility (PAR) at mataas rin ang tiyansa na maging bagyo ito.

www.rmn.com.ph

Read more »

PNP, umapela sa publiko na huwag maalarma sa mga idinagdag na checkpoint sa mga lansangan

July 8, 2011 | 3:00 PM

Umapela ang pamunuan ng Philippine National Police (PNP) sa publiko na huwag maalarma sa pagdami ng mga chekpoint at nagpapatrulyang pulis sa mga susunod na linggo.

Sinabi ni PNP Public Information Office Chief Agrimero Cruz Jr. na bahagi ang hakbang ng paghahanda ng PNP sa nalalapit na State of the Nation Address (SONA) ni Pangulong Benigno "Noynoy" Aquino III sa Hulyo 25.

Makakaagapay aniya ng PNP sa pagpapaigting ng seguridad sa Metro Manila ang Armed Forces of the Philippines (AFP).

Inihayag pa ni Cruz na plano nito na makipagdiyalogo sa mga militanteng grupo na nakatakdang magsagawa ng kilos-protesta sa SONA para matiyak na magiging tahimik at mapayapa ang mga rally. 

www.dzmm.com.ph

Read more »

Diskwento Caravan, tutulak sa Nueva Ecija

July 8, 2011 | 12:00 NN


Tutulak na ang Diskwento Caravan ng Department of Trade and Industry sa Nueva Ecija.
Sa pangunguna ni DTI Provincial Director Brigida Pili, magaganap ang Diskwento Caravan sa buong araw ng July 15 sa Freedom Park, Cabanatuan City.

Layunin ng Diskwento Caravan na maihatid sa mga consumers ang kalidad na produkto na kanilang mabibili sa mas murang halaga tulad ng gamot, tinapay, canned goods, processed meat products, gulay, kasama na ang sabon at school supplies. 

Ayon kay Director Pili, ito ang kanilang sagot sa patuloy na pagtaas ng pangunahing bilihin dahil na rin sa hindi maiwasang pagtaas ng mga produktong petrolyo.

Nakikipag-ugnayan din ang DTI Nueva Ecija sa iba pang ahensiya ng pamahalaan at pribadong sektor para sa karagdagan pang serbisyo sa araw na iyon. Sa pamamagitan nito, bukod sa murang biihin, maaari ring magkaroon ng libreng business counseling, product clinics, product development, blood pressure check, at iba pa.

Ang imbitasyong ito ng DTI na dumalo at mamili sa Diskwento Caravan ay bukas para sa lahat.

BiG SOUND & DZXO Newsteam

Read more »

Bronze medal –nasungkit ng tatlong Pinoy boxers sa 21st President’s Cup sa Indonesia…

July 7, 2011 | 5:00 PM

TIYAK na ang 3 bronze medals para sa Pilipinas sa nagpapatuloy na 21^st President’s Cup sa Indonesia.

Ito ay nang mapagwagian ng mga Pinoy boxers na sina Ian Clark Bautista, Nathaniel Montealto at Nesthy Petencio ang mga pambato ng Russia, Indonesia at Thailand.

Walang naipagmalaki sa tatlong national players ang European boxing champ ng Russia na si Alexander Somoilov, ang Indonesian na si Vinky Montolu at ang Thai na si Shinetsetneg da Vaasuren.

Bigo naman si Nico Magliguian nang masipa sa torneo makaraang matalo kay Van Hai ng Vietnam.
Samanatala, tatangkain naman ng mga Pinoy lady boxers na madagdagan pa ang bronze medals ng bansa sa kanilang pagsabak sa quarterfinals.

www.rmn.com.ph

Read more »

PAGASA: Metro Manila at Luzon, magiging maulan pa rin dahil sa monsoon trough

July 7, 2011 | 5:00 PM

Magiging maulan pa rin sa Metro Manila at sa Luzon ngayong araw dahil sa epekto ng monsoon trough.

Sinabi ni Science and Technology Undersecretary at PAGASA Director Graciano Yumul na maihahalintulad sa intertropical convergence zone (ITCZ) set ang monsoon trough pero may kasama itong habagat.

Samantala, dalawa ring low pressure area (LPA) ang namataan sa bansa, isa ay nasa layong 250 kilometro Silangan ng Basco, Batanes habang nasa 350 kilometro sa Kanluran Timog-Kanluran ng Laoag, Ilocos Norte ang isa pa na siyang magdudulot ng pag-ulan sa buong Luzon lalo na sa Cagayan at Isabela.

Kung wala namang magiging pagbabago, posibleng maging bagyo ang namataang LPA sa Linggo pero wala namang direktang epekto sa bansa.

www.dzmm.com.ph

Read more »