Zaldy Ampatuan, pinayagang makalabas at makapagpa-check-up

July 20, 2011 | 12:00 NN

MAKAKALABAS at makakapagpacheck-up na si dating ARMM governor Zaldy Ampatuan.

Ito ay matapos payagang pansamantalang makalabas ng Quezon City Regional Trial Court.

Magpapa-check up si Zaldy Ampatuan sa Philippine Heart Center sa Quezon City at hinihintay na lamang ng nasabing pagamutan ang kopya ng QC-RTC Branch 221 kung saan pinapayagan itong magpa-check-up.

Matatandaan na una nang hiniling ng kampo ni Zaldy sa korte na maipasuri ang kanyang kalusugan sa St. Lukes Medical Center, pero tumanggi naman ang pamunuan ng St. Luke’s sa dahilan na may kaugnayan sa isyu ng pangseguridad.

Si Zaldy Ampatuan ay isa sa mga itinuturong responsable sa karumal-dumal na Maguindaao Massacre noong taong 2009 Maguindanao Local Elections.

57 katao ang pinatay ng sinasabing private army ng pamilya Ampatuan kung saan kabilang sa mga ito ang 32 mamamahayag.

www.rmn.com.ph

Read more »

Central payroll system sa mga empleyado ng pamahalaan, ipapatupad na sa susunod na taon

July 19, 2011 | 5:00 PN

Ipatutupad na ang central payroll system sa pamahalaan sa susunod na taon upang tuluyang masugpo ang katiwalian. 

Sinabi ni Budget Secretary Florencio Abad na uunahing ipatupad ang central payroll system sa Armed Forces of the Philippines (AFP) bilang pilot project sa pamamagitan ng procurement card sa halip na gumamit ng cash.

Sa ilalim ng central payroll system, hindi na daraan sa mga ahensya ng pamahalaan ang sweldo ng bawat empleyado sa halip, idedeposito na lang ng National Treasury ang sweldo sa bank accounts ng mga empleyado.

Tiniyak ni Abad na hindi na mauulit ang non-remittance sa Government Service Insurance System (GSIS) na umaabot sa P9 bilyon, dahilan upang hindi makautang ang mga guro sa bansa.

www.dzmm.com.ph

Read more »

Rotary, nagsagawa ng Seminar Workshop for Teaching Science sa Cabanatuan

July 19, 2011 | 12:00 NN

Ginanap sa Department of Education Reg 3 Division of Cabanatuan City ang isang pagsasanay para sa pagtuturo ng Agham na inorganisa ng Rotary International District 3770, Philippines, Rotary Clubs of Nueva Ecija Area 6 at Area 7.

May 125 science teachers ang dumalo sa Seminar-Workshop for Teaching Science na karamihan ay mula sa Cabanatuan City. Ilang partisipante rin ang nagmula sa Gapan City, Peñaranda, at Aliaga.

Ang mga naging tagapagsalita sa pagsasanay na ito ay mula sa 5-member volunteer ng Vocational Training Team ng Rotary International District 5020, USA and Canada sa pangunguna ni Rotarian Glynn Currie. Kasama ni Rotarian Glynn ang mga Canadian science teacher na sina Colleen Devlin, Karin Farquhar, Shanon Foreman at ang Amerikanong si Nancy Mouat-Rich.

Ang serye ng Seminar-Workshop ay may layong madagdagan ang kaalaman ng mga guro sa ating lalawigan at mai-adopt ang mga epektibong pagtuturo ng agham na ginagawa sa bansang Amerika at Canada.

Ang Rotary International ay nagsimula ng kanilang bagong rotary year ngayong buwan sa temang "Reach Within To Embrace Humanity" kung saan ang District 3770 ay pinamumunuan ni District Governor Corina Bautista. Ang Area 6 ay pinangungunahan ni Assistant Governor Edsel Dominado at binubuo ng Rotary Clubs of Cabanatuan City, Cabanatuan East, at Cabanatuan West. Ang Area 7 ay pinangungunahan ni Assistant Governor Rey Diego at binubuo ng Rotary Clubs of Gapan at Peñaranda.

Ang Seminar Workshop for Teaching Science ay naisagawa ng Rotary sa pakikipagtulungan ng DepEd Division of Cabanatuan City sa pamumuno ni Division Schools Superintendent Malcolm Garma.

Samantala, gaganapin mamayang gabi ang Induction Ceremonies ng Rotary Club of Cabanatuan East sa pangunguna ni President Ian Dizon.

Percy Tabor
BiG SOUND and DZXO Newsteam

Read more »

Pilipinas, inulan ng suporta kaugnay sa Spratly issue

July 18, 2011 | 12:00 PM

INULAN ng suporta ang Pilipinas hinggil sa isyu ng pinagaagawang Spratly Islands.

Ito ay matapos ihain sa House of Representatives ng Amerika ang House Resolution No. 352 na nanawagan para sa “peaceful and collaborative resolution of maritime territorial disputes in the South China Sea and its environs and other maritime areas adjacent to the East Asian mainland”.

Ang nasabing panukala sa Amerika ay sinuportahan ng 27 mambabatas kung saan na nag-co-sponsor sa resolusyon ang mga ito.

Kinabibilangan din ito ng 18 republicans at 9 na democrats.

Base sa naturang resolusyon, suportado ng Amerika ang mapayapang, multi-lateral settlement sa alitan sa Spratly.

Nakalagay din sa naturang resolusyon ang pahayag ng US na handa itong tulungan ang Pilipinas para imo­dernisa ang militar.

Dahil sa suportang ipinakita ng Amerika ay mas lalong tumibay ang kumpiyansa ng Pilipinas para maangkin ng tuluyan ang Spratly islands.

www.rmn.com.ph

Read more »

TESDA, mag-aalok ng libreng language review classes sa mga apektado ng Saudization

July 18, 2011 | 12:00 NN

Mag-aalok ng libreng laguange review classes ang Technical Education and Skills Development Authority (TESDA) sa mga Overseas Filipino Worker (OFW) na maaapektuhan ng "Saudization" program ng Saudi Arabia.

Sinabi ni TESDA Director General Joel Villanueva na naglaan na sila ng P5 milyon para mabigyan ng libreng English language review classes ang mga kwalipikadong OFW.

Bukas aniya ang review classes para sa mga OFW na nais magtrabaho sa Australia at Canada na nauna nang tinukoy ng Department of Labor and Employment (DOLE) na may mga trabahong bukas para sa mga Pinoy.

www.dzmm.com.ph

Read more »