Bagyong Juaning, tropical storm na (UPDATE)

July 26, 2011 | 12:00 NN

NAGING tropical storm na ang bagyong Juaning.


Ayon kay DOST-PAGASA usec. Graciano Yumul lalu pang lumakas at bumilis ang bagyong Juaning kung saan malaki ang posibilidad na lumihis ang bagyo.

Aniya, kung walang pagbabago sa direksyon ang bagyong Juaning na west northwest ay tatama ito sa Aurora Isabela.

Gayon pa man ay sinabi rin ni Yumul na may posibilidad pa ring magbago ang direksyon nito papuntang west north kung saan tatama ito sa Central Luzon at makakaapekto sa Metro Manila.

Nasa signal no. 2 na ang Kabikulan, kabilang ang Cataduanes, Camirines Sur, Camarines Norte at Albay habang nasa signal no. 1 pa rin ang Northern Luzon.

Samantala, bukod sa buong Bicol at Lipa, kinansela na rin ang klase sa mga pampubliko at pribadong paaralan mula kinder hanggang high school sa National Capital Region.

www.rmn.com.ph

Read more »

Team Azkals, dumating na sa bansa

July 25, 2011 | 3:00 PM

Dumating na sa bansa ang Philippine Azkals kagabi mula sa naging laban nila sa Kuwait.

Mahaba ang naging biyahe ng grupo dahil mula Kuwait, dumaan muna sila ng Dubai at muling bumiyahe ng siyam na oras hanggang Maynila.
 
Magpapahinga muna ang team ngayong araw at pag-aaralan ang nakaraan nilang laban saka muling sasabak sa ensayo para sa muli nilang paghaharap ng Kuwait sa Huwebes, Hulyo 28 sa Rizal Memorial Stadium sa Maynila.

Determinado ang Philippine team na manalo at buo ang kanilang pag-asa dahil makakapaglaro na sina Stephan Schrock at team captain Aly Borromeo.

Nasa bansa na rin naman ang team Kuwait na aminadong nahirapan sa Azkals pero determinado umano silang muling talunin ang koponan ng Pinoy.

www.dzmm.com.ph

Read more »

Minorya, hindi tiyak kung marami ang pupunta sa kanila sa SONA

July 25, 2011 | 3:00 PM

HINDI naman sigurado ang minorya kung ang lahat ba ng miyembro nila ay dadalo sa SONA ni pangulong Benigno Aquino III ngayong araw.
 
Ayon kay deputy minority leader at Zambales rep. Mitos Magsaysay bagamat tiyak na dadalo siya sa SONA at kahit pa hindi nabibigay sa kanila ang pork barrel ay hindi naman masabi kung ang lahat ba sa minorya ay pupunta dito.

Aniya, may kanya-kanya naman kasing desisyon ang bawat isa at dahilan kung sakaling hindi makadalo upang saksihan ang ulat ng pangulo sa bayan.

Mahalaga aniya ay marinig ng publiko kung ano ba ang mga na-accomplished na gawain ng pangulo sa loob ng isang taon at mga plano nito sa bansa sa kanyang ikalawang taon bilang pangulo.

Sa panig ng minorya, tanging si Pampanga rep. Gloria Arroyo lamang ang nagpaabiso na hindi na pupunta sa SONA ni PNoy.

Mapapakinggan ng live ang State of the Nation Address ni Pangulong Benigno "Noynoy" Aquino III sa simulcast broadcast ng 101.5 BiG SOUND fm at 1188 DZXO am.


www.rmn.com.ph

Read more »

PNoy, hindi magpapa-impress sa SONA

July 25, 2011 | 12:00 NN

WALANG planong magpa-impress si pangulong Benigno Noynoy Aquino III.



Ito ang bwelta ng Malakanyang hinggil sa mga binabatong isyu na puro pambobola lang ang sasabihin ni pangulong Aquino sa kanyang State of the Nation Address mamaya.

Giit pa ng Malacañang bahala na ang mga boss ni PNoy na humusga sa bigat at saysay ng sasabihin ni pangulong Aquino.

Nilinaw din ni deputy presidential spokesperson Abigail Valte gusto lang i-report ni PNoy ang totoong estado ng bayan.

Kinumpirma naman ni presidential Communications Group secretary Ricky Carandang na mas mahaba sa karaniwang speech ni pangulong Noynoy ang kanyang State of the Nation Address.

Sinabi ni Carandang na “pagbabago” o "social transformation" ang tema ng SONA dahil hangad ng pangulo na sumulong na ang bansa.

Wait and see naman si Carandang sa mga balitang ipapakilala na ni PNOY ang bagong ombudsman sa SONA.

Samantala, ayon kay Carandang, naiintindihan ng Malakanyang ang hindi pagdalo ni dating pangulong Gloria Arroyo sa SONA dahil aniya wala namang sinuman ang gustong nakaharap habang binabatikos sa talumpati.

www.rmn.com.ph

Read more »

CCF nagsagawa ng kanilang lauching forum sa Climate Change

July 23, 2011 | 3:00 PM

Bilang paglulunsad ng Citizen's Consultative Forum, nagsagawa ang naturang people's organization ng Climate Change Forum kaninang umaga sa National Irrigation Administration Conference Room sa Lungsod ng Cabnatuan.

Ang Climate Change Forum na may temang "Nove Ecijano, Handa Ka Na Ba sa Climate Change?" ay dinaluhan ng mga kinatawan mula sa pamahalaang panlalawigan, NGOs gaya ng Rotary Club, religious groups, grupo ng mga magsasaka, media, Nueva Ecija University of Science and Technology Student Council at Central Luzon State University Supreme Student Council.

Panauhing tagapagsalita si Dr. Reymundo Sarmiento ng PSEDO na kumatawan kay Governor Aurelio Umali.

Ipinagmalaki ni Dr. Sarmiento ang kahandaan ng lalawigan ng Nueva Ecija sa mga sakunang hatid ng pagbabago ng klima. Patunay aniya rito ang mga nakaraang pagbagyo at pagbaha kung saan zero casualty ang ating lalawigan dahil sa mabilis na aksyon ng pamahalaang panlalawigan.

Hiniling din ng groupong CCF ang pagreview at pagpapatupad ng Provincial Ordinance Number 01-s-2009 o ang Environment Code of Nueva Ecija na inakda ni dating 3rd District Board Member Raqueliza Agapito.

Nais din ng grupo na gawing plastic-free ang buong Nueva Ecija at palawigin pa ang kampanya upang mapangalagaan ang kapaligiran at labanan ang climate change.

Ang Climate Change Forum ng CCF ay naisagawa sa pakikipagtulungan ng Green Force, Scottish Rite, Cabanatuan Bodies at ng NIA UPRISS.

Percy Tabor
BiG SOUND fm and DZXO Newsteam

Read more »