Nanay ni gov. Salceda, pumanaw na

July 27, 2011 | 12:00 NN

Kinumpirma ni PAG-ASA director Graciano Yumul na binawian ng buhay ang ina ni Albay governor Joey Salceda matapos mabagok.

Sa isang interview kay provincial public safety and emergency management head Cedric Daet, kinumpirma niyang naglakad sa binahang bahagi ng bahay ng gobernador si Mrs. Cielo Adelina Sarte Salceda, 89 years old at aksidenteng nadulas ito na dahilan ng pagkakabagok nito.

Nadala pa sa pagamutan si ginang  Cielo pero binawian ito ng buhay ngayong umaga lamang dahil sa pagkakabagok.

Sa kabila ng nangyari, tuloy pa rin ang pag-tulong ni governor Salceda sa kanyang mga kababayan.

Read more »

NE Gov suspends classes in all levels

July 27, 2011

Due to Typhoon Signal #2, Classes in pre-school, elementary, high school and college in Nueva Ecija are suspended as per Gov. Umali's announcement, 6:00 am, July 27, 2011.

Read more »

Mga kinanselang flights dahil sa Bagyong Juaning, umabot na sa 28

Umabot na sa 28 domestic flights ang kinansela dahil sa Bagyong Juaning.

Sinabi ni Manila International Airport Authority (MIAA) Media Affairs Division Head Consuelo Bungag na 14 sa mga kinanselang biyahe ay mula sa Cebu Pacific Airlines habang tig-anim naman sa AirPhil Express at Zest Air at dalawang biyahe sa Philippine Airlines (PAL).

Ang mga apektadong biyahe ay patungong Catarman, Legazpi, Naga, Dumaguete at Calbayog.

Inaabisuhan ni Bungag ang lahat ng mga naapektuhang pasahero na makipag-ugnayan sa mga kaukulang airlines kung kailan mare-rebook ang kanilang biyahe.

Sa lalawigan ng Nueva Ecija, ipinaalala ng DepEd Division of Nueva Ecija na awtomatikong kanselado ang klase sa public at private pre-schools hanggat nasa ilalim ng Signal Number 1 ang lalawigan.


Ayon naman kay DILG Provincial Director Abraham Pascua, magpupulong mamayang gabi ang Provincial Disaster Risk Reduction Management Council upang mapaghandaan ang mga posibleng perwisyong ihatid ng bagyong Juaning sa Nueva Ecija.

Read more »

Klase sa NCR at sa mga lalawigang apektado ni Juaning, sinuspinde ng DepEd

July 26, 2011 | 4:00 PM

Sinuspinde ng Department of Education (DepEd) ang klase sa maraming lugar na apektado ng Tropical Storm Juaning kabilang na ang Nueva Ecija.


Sa ipinalabas na advisory ng DepEd, kanselado na ang panghapong klase sa preschool, elementarya at high school sa Metro Manila, pampubliko man o pribado.

Otomatiko namang walang pasok sa preschool, public at private sa mga nasa ilalim ng Signal No. 1 sa mga lalawigan sa Region I, Region II, Cordillera Administrative, at Region III.

Sa Region IV-A, inanunsyo ni Cavite Gov. Juanito Victor "Jonvic" Remulla ang suspensyon ng mga klase sa ilang bayang kanyang nasasakupan.


Dahil din sa malakas na buhos ng ulan, sinuspinde ang mga klase sa preschool, elementary, at high school sa San Pablo City, Laguna; at Lipa City, Batangas.

Sa Region V, suspendido ang klase sa preschool, elementary, at high school sa lahat ng lalawigan doon, pampubliko man o pribado.

Read more »

Azkals, balik ensayo na

July 26, 2011 | 5:00 PM

BALIK ensayo na uli ngayong araw ang Philippine foootball team Azkals upang paghandaan ang laban nila kontra Kuwait Al-Azraq sa home game sa July 28 sa Rizal Memorial Sports Complex para sa second leg ng World Cup Qualifiers.

Makakasama na rin muli sa ensayo ang suspendidong sina Midfielder Stephan Schrock at team captain Aly Borromeo.

Ayon kay Azkals coach Michael Weiss, malaking tulong ang dalawa sa kanilang pagbabalik dahil mas lalo nitong papalakasin ang line up ng national team.

Maaalalang nabigyan ng 1-game suspension sina Schrock at Borromeo matapos na makakuha ng dalawang yellow card sa kanilang laban noon sa Sri Lanka.

www.rmn.com.ph

Read more »