Ballot switching, iimbestigahan ng Kamara

July 29, 2011 | 12:00 NN

PINAREREBISA ng Kamara ang imbestigasyon sa  switching ng election returns noong 2005.
 
Ayon kay House speaker Feliciano Belmonte, inatasan na niya si House secretary Marilyn Yap na kunin ang records at anumang ebidensya na naiprisinta ng isagawa ang pagsisiyasat.

Pinagawan na rin ni Belmonte ang se­curity ng Kamara na mag­sagawa ng masusing ebal­wasyon sa lahat ng kanilang miyembro upang malaman ang loyalty ng mga ito.

Matatandaang ibinulgar ni Justice secretary Leila de Lima na may naganap na ‘break in’ sa House of Representatives, sa Batasang Pambansa Complex, upang ipagpalit ang mga ER at masabing nanalo talaga si Ginang Arroyo laban kay Fernando Poe. Jr noong 2004 presidential polls.

Sa ngayon, naniniwala si Belmonte na ang magagawa na lamang ng Kamara ay tiyakin na malinis at may integridad ang sinumang itatalagang security sa canvassing sa 2016 elections para hindi na maulit ang pandaraya.

www.rmn.com.ph

Read more »

20 katao na ang patay sa bagyong Juaning

July 27, 2011

UMABOT na sa 20 katao ang namatay dahil sa bagyong Juaning habang 31 katao naman ang sugatan.

Ito ay ayon sa ulat ng National Disaster Risk Reduction and Management Council o NDRRMC.

Ayon pa sa NDRRMC, dahil sa bagsik ni bagyong Juaning, 9 na katao ang nawawala habang 30 katao naman ang buhay na nai-rescue.

Nabatid na 129, 576 na pamilya ang apektado ng nasabing bagyo sa buong bansa.

www.rmn.com.ph

Read more »

Nanay ni gov. Salceda, pumanaw na

July 27, 2011 | 12:00 NN

Kinumpirma ni PAG-ASA director Graciano Yumul na binawian ng buhay ang ina ni Albay governor Joey Salceda matapos mabagok.

Sa isang interview kay provincial public safety and emergency management head Cedric Daet, kinumpirma niyang naglakad sa binahang bahagi ng bahay ng gobernador si Mrs. Cielo Adelina Sarte Salceda, 89 years old at aksidenteng nadulas ito na dahilan ng pagkakabagok nito.

Nadala pa sa pagamutan si ginang  Cielo pero binawian ito ng buhay ngayong umaga lamang dahil sa pagkakabagok.

Sa kabila ng nangyari, tuloy pa rin ang pag-tulong ni governor Salceda sa kanyang mga kababayan.

Read more »

NE Gov suspends classes in all levels

July 27, 2011

Due to Typhoon Signal #2, Classes in pre-school, elementary, high school and college in Nueva Ecija are suspended as per Gov. Umali's announcement, 6:00 am, July 27, 2011.

Read more »

Mga kinanselang flights dahil sa Bagyong Juaning, umabot na sa 28

Umabot na sa 28 domestic flights ang kinansela dahil sa Bagyong Juaning.

Sinabi ni Manila International Airport Authority (MIAA) Media Affairs Division Head Consuelo Bungag na 14 sa mga kinanselang biyahe ay mula sa Cebu Pacific Airlines habang tig-anim naman sa AirPhil Express at Zest Air at dalawang biyahe sa Philippine Airlines (PAL).

Ang mga apektadong biyahe ay patungong Catarman, Legazpi, Naga, Dumaguete at Calbayog.

Inaabisuhan ni Bungag ang lahat ng mga naapektuhang pasahero na makipag-ugnayan sa mga kaukulang airlines kung kailan mare-rebook ang kanilang biyahe.

Sa lalawigan ng Nueva Ecija, ipinaalala ng DepEd Division of Nueva Ecija na awtomatikong kanselado ang klase sa public at private pre-schools hanggat nasa ilalim ng Signal Number 1 ang lalawigan.


Ayon naman kay DILG Provincial Director Abraham Pascua, magpupulong mamayang gabi ang Provincial Disaster Risk Reduction Management Council upang mapaghandaan ang mga posibleng perwisyong ihatid ng bagyong Juaning sa Nueva Ecija.

Read more »