Typhoon drill sa bawat barangay, ipinanukala sa Senado

October 7, 2011

Hinikayat ni Senador Kiko Pangilinan ang mga local executives na magsagawa ng typhoon drill sa mga barangay bilang bahagi ng disaster preparedness.

Layon nitong maipaalam sa taumbayan ang kahalagahan ng evacuation at ang tamang proseso nito sa panahon ng kalamidad.

Kung mayroon aniyang earthquake drill, maiging magkaroon din ng typhoon drill dahil mahigit sa 20 bagyo ang tumatama sa bansa kada taon.

Noong kasagsagan ng Bagyong Pedring, maraming local government units (LGU) at rescue workers ang nahirapang kumbinsihin ang mga residente sa mabababang lugar para mag-evacuate kung saan nagtalo pa ang Philippine National Police (PNP) at Armed Forces of the Philippines (AFP) kung kailangan nang magsagawa ng forced evacuation.

Hiniling naman ni Senador Loren Legarda na tutukan nang husto ng Department of Health (DOH) ang health at sanitary conditions sa mga evacuation center. 

www.dzmm.com.ph

Read more »

PNoy, bumisita na sa mga binabahang lugar sa Central Luzon

October 5, 2011

Bumisita na si Pangulong Benigno "Noynoy" Aquino III sa ilang lalawigan sa Central Luzon na hanggang ngayo'y binabaha kasunod ng pananalasa ng mga Bagyong Pedring at Quiel.

Unang pinuntahan ng Pangulo ang Tarlac kasama sina Public Works and Highways Secretary Rogelio Singson, Tarlac Governor Victor Yap at La Paz Mayor Michael Manuel  at personal na tiningnan ang laki ng tubig sa Rio Chico na nasa boundary na ng Nueva Ecija.

Mula sa Rio Chico, nagtungo ang Pangulo sa town plaza ng La Paz plaza kung saan siya sinalubong ng mahigit 300 pamilyang kasamang inilikas matapos tumaas ang tubig baha sa limang barangay doon.

Tinatayang nasa 300,000 milyong pisong halaga ng palayan ang napinsala sa La Paz, hindi pa kasama ang palaisdaan at hayupan. 

Mula Tarlac, ininspeksyon ng Pangulo ang Mount Pinatubo project sa Barangay San Jose, San Fernando City sa Pampanga saka ito dumiretso sa Calumpit, Bulacan partikular sa Barangay Corazon.

Binigyang diin naman ng Pangulo na hindi nagpapabaya ang pamahalaan sa gitna ng mga tumamang kalamidad.

Hinikayat niya ang lahat na manalangin upang makaiwas ang bansa sa mga sakuna at maging matatag sa anumang unos sa buhay.

www.dzmm.com.ph

Read more »

PCIC, nagpalabas na ng P330-M para pambayad sa mga magsasakang nasalanta ng bagyo

October 4, 2011 | 5:00 PM

Nagpalabas na ang Philippine Crop Insurance Corporation (PCIC) ng P330 milyon para bayaran ang mga magsasakang naapektuhan ng malawakang pagbaha.

Pero nilinaw ni Atty. Jovy Bernabe, Pangulo ng PCIC, tanging ang mga magsasaka lamang na naka-insured ang palayan at maisan ang babayaran ng insurance.

Mahigit 40,000 ektaryang naka-insured na sakahan ang naapektuhan ng bagyo kung saan pinakagrabe ang Region 3 habang kasama rin ang Region 1, 2, 4-A, at 5 maging ang Cordillera Administrative Region (CAR).

Makukuha ang kabayaran sa loob ng 20 araw matapos manalasa ang Bagyong Pedring at Quiel.

www.dzmm.com.ph

Read more »

Biazon: NDRRMC, may kapangyarihang magpasya sa paglalabas ng tubig sa mga dam

October 4, 2011 | 3:00 PM


Hinikayat ni Senador Rodolfo Biazon si Pangulong Benigno "Noynoy" Aquino III na pag-aralan kung kailangan nitong maglabas ng executive order hinggil sa kapangyarihan ng National Disaster Risk Reduction and Management Council (NDRRMC) na magpasya sa pagpapalabas ng tubig sa mga dam sa bansa.

Sa panayam ng DZMM TeleRadyo, sinabi ni Biazon na batay sa imbestigasyon sa Senado kahapon, lumitaw na ang National Water Resources Board ang nagpapasya sa pagpapalabas ng tubig sa mga dam sa normal na panahon ngunit ang NDRRMC ang may kapangyarihan nito sa panahon ng emergency.

Naniniwala si Biazon na maaaring maglabas ng presidential issuance ang Pangulo para malinawan ang parameters ng emergency situation kung kailan maililipat sa NDRRMC ang kapangyarihang magpasya sa pagpapakawala ng tubig sa mga dam.

www.dzmm.com.ph

Read more »

DA, tutulong sa mga magsasakang apektado ng bagyo

October 3, 2011 | 12:00 NN

TULONG sa mga magsasaka, ibibigay ng Department of Agriculture (da).


Ayon kay Agriculture Sec. Proseso Alacala, bilang ayuda sa mga magsasaka, magbibigay ang da ng mga bagong pananim sa mga nasalanta ng bagyo.

Bukod rito, sinisikap din ng Agriculture Department na maisama ang lahat ng mga magsasaka sa crops insurance.

Kasabay nito, tiniyak naman ni Alcala na may sapat pang bigas para suplayan sa bansa hanggang sa katapusan ng taon sa kabila ng pagnanalasa ng Bagyo Pedring at Quiel sa sektor ng agrikultura.

www.rmnnews.com

Read more »