Kris, nagpasalamat sa imbitasyon bilang envoy ng UNHCR

October 12, 2011 | 12:00 NN

Hindi makapaniwala si "Queen of All Media" Kris Aquino sa pag-iimbita ng United Nations High Commission for Refugees UNHCR na gawin siyang "Goodwill Ambassador for Asia."

Para sa presidential sister, isang karangalan din ng bansa ang pagtitiwalang ibinigay sa kanya ng UNHCR, kung saan maihahanay siya kay Hollywood superstar Angelina Jolie na envoy naman para sa Amerika.

Ibinahagi rin ni Kris Aquino na matagal na niyang hinihintay ang imbitasyon ng UNHCR at halos mawalan na rin siya ng pag-asa na makuha ito.

Nakatakdang makipagpulong si Kris sa execuvive committee ng UNHCR sa susunod na linggo. 

www.dzmm.abs-cbnnews.com

Read more »

Azkals, tagumpay sa friendly match kontra Nepal

October 12, 2011 | 12:00 NN

Pinatunayan ng Philippine football team Azkals na hindi sila padadala sa nakaraang pagkatalo matapos nilang ilampaso ang team Nepal sa ginanap na friendly match Martes ng gabi sa Rizal Memorial Stadium sa Maynila.

Tinalo ng Azkals ang team Nepal sa score na 4-0.

Unang naka-goal si Phil Younghusband sa pamamagitan ng right kick, sa unang 20 minuto ng laban.

Agad itong sinundan ng pangalawang goal mula sa kanyang kapatid na si James.

Kay Phil muli nanggaling ang ikatlong goal at ang ika-apat na goal naman ay nagmula sa striker na si Matthew Hartmann.

Bagama't friendly match lang ang paghaharap ng Azkals at Nepal, may epekto pa rin ito sa FIFA world rankings.

Kasalukuyang nasa ika-13 puwesto ang Nepal, habang nasa ika-166 na puwesto naman ang Azkals.

Read more »

Oct 31, 2011 idineklarang Special Non-Working Day

Sa bisa ng Proclamation 265, idineklara na rin kahapon ni Pangulong Benigno Simeon Aquino III ang October 31 bilang special non-working day. Ito ay upang mabigyan ng mas mahabang panahon ang publiko na gunitain ang All Saints Day sa November 1… lalo na yung mga bibiyahe pa sa ibang probinsya.

Una nang indineklara ang November 1 bilang non working day noon pang nakaraang taon sa bisa naman ng Proclamation No. 84.

Read more »

DOTC, kinalma ang publiko sa paglilipat ng NAIA sa Clark

KINALMA ng DOTC ang publiko sa paglilipat ng Ninoy Aquino International Airport sa Clark, Pampanga.


Sa interview ng DZXL kay DOTC Sec. Mar Roxas, hindi pa agad–agad na maipapatupad ang planong paglilipat sa NAIA dahil bibilangin pa ito ng tatlo hanggang limang taon.

Kasabay nito, malaki ang na-bebenipisyo ng publiko dahil mapupursigeng matapos ang North Rail Project upang mapaaga ng biyahe sa mga pasahero na araw-araw manggagaling ng Metro Manila.

Bukod rito, aabot din sa $2.5 bilyon ang kikitain ng pamahalaan sakaling matuloy ang paglilipat ng NAIA sa Clark.

www.rmnnews.com

Read more »

Mas mabigat na parusa – hamon sa lalabag sa minimum wage

 October 7, 2011 | 5:00 PM

Mas mabigat na parusa ang kakaharapin ng mga employers na hindi tutupad sa itinakdang pagpapa-sweldo ng minimum wage.

Ito’y makaraang makalusot na sa committee level sa Mababang Kapulungan ng Kongreso ang mga panukalang batas na magpapabigat sa parusa sa mga employers na hindi sumusunod sa minimum wage law.

Sa panukalang inihain nila San Juan Rep. Jv Ejercito, DIWA Party-List Rep. Emmiline Aglipay at Eastern Samar Rep. Ben Evardone -  pagmu-multahin ng 100-libong piso ang isang employer na hindi susunod sa minimum wage salary.

Dagdag pa dito ang moral damage na ibabayad sa empleyado na nagkakahalaga ng 30-thousand pesos.

 Babala ng mga mambabatas, seryoso ang pamahalaan sa pagpapataw ng parusa sa mga employers kaya’t mas mabuti kung susunod na sila ngayon pa lamang.

www.rmnnews.com

Read more »