FDA, pinababawi na ang mga high-risk food product mula sa Taiwan

June 1, 2011

Ipinare-recall na ng Food and Drugs Administration (FDA) ang lahat ng itinuturing na high-risk food products mula sa Taiwan dahil sa posibleng kontaminasyon ng chemical na Di(2-ethylhexyl) phthalate o DEHP.

Sinabi ni FDA Director Suzette Lazo na nakumpleto na nila ang listahan ng mga produktong kontaminado na makikita ngayon sa kanilang website.

May animnaput-anim (66) na produkto na karamihan, mga sports drink, softdrinks, jam, jelly, fruit juice at tsaa ang kabilang sa sinasabing kontaminado ng DEHP.

Inatasan na ni Lazo ang mga distributor ng mga Taiwan food product na hindi kasama sa listahan na huwag muna ring magbenta o mag-import ng nasabing produkto at pinagsusumite sila ng laboratory result mula sa FDA-accredited laboratory.

Paliwanag ni Lazo, masama sa kalusugan ang sobrang pagkakalantad sa DEHP, lalo na sa mga bata, na posibleng pagmulan ng kanilang pagkabaog at pagkakaroon ng sakit sa bato o kidney.

www.dzmm.com.ph

Read more »

BiG SOUND at DZXO newsteam nakikiisa sa NGP

June 1, 2011 | 12:00 NN

Nasa bayan ng Gen. Tinio ngayong araw ang 101.5 BiG SOUND fm at 1188 DZXO am newsteam upang makiisa sa ginaganap na paglulunsad ng National Greening Program ng Department of Environment and Natural Resources sa Minalungao National Park.

Limanlibong puno ang inaasahang maitatanim ngayong araw sa nasabing lugar. Bahagi lamang ito ng target na isa’t kalahating bilyong puno na itatanim sa isa’t kalahating milyong ektarya ng lupa sa buong bansa. Inaasahang makakamit ang target na ito hanggang sa 2016.

Nakiisa rin sa programang ito ang mga kasapi ng Kapisanan ng mga Brodkaster ng Pilipinas Nueva Ecija Chapter. Kasama rin dito ang DepEd, DILG, at ilan pang ahensiya ng gobyerno, gayundin ang mga LGU, NGO, people’s organization, state colleges and universities, at business at private sector.

Ang paglulunsad ng National Greening Program sa Nueva Ecija ay nasa pagsubaybay ni Provincial Environment and Natural Resources Officer Rafael Otic.

Samantala, sa NBA…

Panalo ang Miami Heat laban sa Dallas Mavericks sa Game 1 ng NBA Finals.

Nai-poste ng Heat ang score na 92-84.

-    BiG SOUND and DZXO Newsteam

Read more »

10 Pinoy ang namamatay kada oras dahil sa paninigarilyo – Anti-Smoking Advocates

May 31, 2001 | 5:00 PM

Sampung Pinoy kada oras ang namamatay dahil sa paninigarilyo.

Yan ang ibinunyag kanina ni Atty. Debby Sy, executive director ng Health Justice Philippines, Inc. sa paggunita ng World No Tobacco Day ngayong araw.

Ayon naman kay Dr. Ulysses Dorotheo ng Southeast Asia Tobacco Control Alliance, isa sa dalawa, o 50% ng mga smoker ang namamatay na ang dahilan ay ang kanilang paninigarilyo.

Dagdag pa ng doctor, kailangang mapigilan ang pagdami ng mga naninigarilyo sa ating bansa. Ito ay upang maisulong ang tamang kalusugan lalo na sa mga mahihirap, dahil aniya, karamihan sa mga naninigarilyo ay mga mahihirap din.

www.gmanews.tv

Read more »

Simbahang Katoliko, pumalag sa isinusulong na Divorce Bill

May 31, 2001 | 3:00 PM

INAASAHAN na ang mainitang talakayan sa pagsasabuhay ng divorce bill sa bansa gaya ng kontrobersyal na Reproductive Health Bill.

Muli kasing nanindigan ang Catholic Bishops' Conference of the Philippines hinggil sa mariiin nilang pagtutol sa nasabing panukalang-batas.

Binigyang-diin ni CBCP Spokesman Father Francis Lucas ang malinaw na posisyon ng Simbahang Katolika  laban sa pagbubuwag sa isang kasal na sinumpaan sa harap ng diyos.

Iginiit nito na may umiiiral namang annulment para ipawalang-saysay ang pagsasamang sa una pa lamang ay mali na.

Tulad ng kanilang pag-kontra sa RH Bill - layon ng kanilang posisyon na pangalagaan ang pagiging sagrado ng kasal at pagsunod sa kung ano ang nakasaad sa biblya.

www.rmn.com.ph

Read more »

DepEd, ipagbabawal ang pagtitinda ng yosi hanggang 100m mula paaralan

May 31, 2011 | 12:00 NN

Ipagbabawal na ng Department of Education ang patitinda ng sigarilyo sa loob at labas ng mga eskwelahan.

Ayon sa DepEd, ang mga nagtitinda ng sigarilyo ay dapat na may layong isandaang (100) metro mula sa eskwelahan, o may katumbas ng haba ng tatlong basketball courts.

Layunin ng hakbang na ito ng DepEd na mapigilan ang mga estudyante na sumubok sa bisyong ito, lalo na ang mga nasa high school.

Ito ang sagot ng DepEd sa World No Tobacco Day na ginaganap ngayong araw at National No Smoking Month para buong buwan ng Hunyo.

Read more »