Manggagawa sa Reg 3, makakatanggap ng P14 na COLA

June 14, 2011 | 12:00 NN

Makakatanggap ang mga manggagawa sa Gitnang Luzon ng 14 pesos na pagtaas sa kanilang cost of living allowance. Yan ay ayon mismo kay Acting Labor Secretary Danilo Cruz.

Ang mga manggagawa sa mga non-agricultural establishment na may total asset na hindi bababa sa 30 million pesos sa Bataan, Bulacan, Nueva Ecija, Pampanga, Tarlac at Zambales ay may arawan nang sahod na 330 pesos.

Ang mga manggagawa naman sa mga establisyementong mas mababa sa 30 million pesos ang assest ay may minimum wage rate na 322 pesos and 50 centavos.

Ang mga manggagawa sa agricultural sector sa Region 3, maliban sa Aurora ay may minimum wage rate na 300 pesos para sa plantation workers at 284 pesos naman para sa mga non plantation workers.

Sa mga nagtatrabaho sa mga retail o service establishment na may labing anim o higit pang trabahador, ang bagong minimum wage rate ay 319 pesos, samantalang doon sa may mas mababa sa labing-anim na trabahador ay 305 pesos per day.  

Ang mga non agricultural worker naman sa Aurora ay makakatanggap ng 279 pesos na daily wage. Ang agricultural sector sa Aurora ay may bagong daily rate na 264 para sa plantation workers, at 244 para sa non plantation workers.

Ayon pa kay Secretary Cruz, ang mga manggagawa sa mga retail/service establishment sa Aurora na may hindi hihigit sa sampung empleyadong ay makakatanggap ng 201 pesos per day.

Read more »

CHED naglabas ng guidelines patungkol sa pagsuspinde ng klase

June 13, 2011 | 5:00 PM

Naglabas ng guidelines ang Commission on Higher Education patungkol sa pagsususpinde ng klase sa panahon ng bagyo at baha.

Ayon kay CHED Chairperson Patricia Licunan, ang mga klase sa collegiate kasama na ang graduate school ay awtomatikong suspindido kung ang kinauukulang ahensiya ng pamahalaan ay nagdeklara ng Storn Signal Number 3 o mas mataas pa.

Dagdag ni Licunan, kung walang official announcement, may kapangyarihan naman daw na mag suspinde ng klase ang mga pinuno ng higher education institutions, kabilang na ang graduate schools, sakaling may di maiwasang pangyayari sa kanilang lugar gaya ng labis na pagbaha o pagkasira ng mga daan.

Ang pagkansela ng klase ay dapat na ianunsiyo bago mag ala singko ng umaga gamit ang iba’t ibang uri ng komunikasyon.

Sinasabi rin sa kautusan na ang estudyanteng hindi nakapasok sa klase dahil sa sama ng panahon ay dapat na bigyan ng konsiderasyon at hayaang makapag make up sa kanyang mga klase o sa mga hindi nakuhang pagsusulit.

Read more »

South China Sea, tatawagin nang West Philippine Sea

June 13, 2011 | 3:00 PM

Tatawagin na ngayong West Philippine Sea ang dating South China Sea.

Ito ay bilang pagsunod sa pangunguna ng Pangulong Benigno Aquino III na tawaging West Philippine Sea ang naturang karagatan.

Ayon kay Science Undersecretary Graciano Yumul, ang pagpapalit ng pangalan sa sa South China Sea ay isang tamang hakbang upang maiwasan ang kalituhan. Opisyal namang tatawaging Philippine Sea ang karagatan sa silangang bahagi ng bansa.

Ayon kay Usec Yumul, ang pagbibigay ng lokal na pangalan sa mga international bodies of water ay ginagawa rin ng maraming bansa.  Halimbawa na raw ang karagatan sa pagitan ng Japan at Korea, kung saan tinatawag itong East Sea ng mga Koreano at Japan Sea naman para sa mga Hapones.

Magbibigay ng official advisory ang gobyerno ng Pilipinas sa international community patungkol sa bagong tawag sa naturang karagatan.

Samantala, nilinaw naman ng DOST na ang pagbibigay ng pangalang West Philippine Sea ay walang kinalaman sa Spratlys Islands territorial dispute sa pagitan ng Pilipinas at Tsina.

Read more »

Dallas nasungkit ang NBA Championship trophy

June 13, 2011 | 12:00 NN

Naiuwi ng Dallas Mavericks ang 2011 NBA championship trophy matapos nitong maipanalo ang Game 6 laban sa Miami Heat.

Natapos ang huling laban ng dalawang koponan sa game score na 105-95 at series score na 4-2.

Ito ang kauna-unahang championship trophy ng Dallas sa loob ng mahigit tatlong dekadang paglalaro nito sa NBA.

Si Dirk Nowitzki ang tinanghal na Most Valuable Player.

Read more »

Pinoy, idineklara ng Guinness na pinakamaliit na tao sa buong mundo

June 12, 2011 | 3:00 PM


Idineklara na ng Guinness Book of World Records bilang pinaka-maliit na tao sa buong mundo ang 18 anyos na Pinoy na taga-Zamboanga del Norte.


Kinunan ng grupo ng Guiness ng sukat sa harap ng kaniyang mga kababayan at ng media ang Pinoy na si Junrey Balawing.


Lumitaw sa pagsukat ng Guiness na may sukat si Balawing na 23.5 inches o mas mababa kaysa sa may hawak ngayon ng titulong 'World's Shortest Man Alive' na si Khagendra Thapa Magar ng Nepal na may taas na 26.4 inches.


Kahapon ang ika-18 kaarawan ni Balawing na panganay sa apat na magkakapatid.


www.dzmm.com.ph

Read more »