Mga may kapansanan, muling pinaalalahanan ng Comelec na magparehistro na para sa 2013 elections

Muling pinaalalahanan ng Commission on Elections (Comelec) ang mga may kapansanan na magparehistro sa Lunes, Hulyo 18 hanggang sa Sabado, Hulyo 23 para sa halalan sa 2013.

Sinabi ni Comelec Spokesperson James Jimenez na ang naturang mga petsa ang pinakamainam na panahon para magparehistro o magpa-revalidate ang mga persons with disability PWD.

Bukod sa pagpaparehistro, aalamin din ng Comelec ang lahat ng pangangailangan ng mga may kapansanan para mabigyan sila ng full assistance sa halalan.

Inihayag ni Jimenez na mayroong mga itatayong special registration center ang Comelec sa ilang malls para madaling makapunta ang mga may kapansanan at pati ang mga kasama nito ay maaari ring magparehistro.

Nasa 50,000 hanggang 100,000 registrants na PWD ang inaasahan ng Comelec sa buong bansa.

Read more »

Pacquiao, panalo sa ESPY Fighter of the Year award

July 15, 2011 | 12:00 NN

Nasungkit ni Manny Pacquiao ang panalo sa Excellence in Sports Performance Yearly o ESPY Fighter Award na iginagawad ng ESPN.

Iginawad kay Manny Pacquiao ang ESPY Fighter Award dahil sa matagumpay niyang laban kina Sugar Shane Mosley noong Mayo at Antonio Margarito noong nakaraang taon.

Tinalo ni Pacquiao para sa parangal na ito ang ilan pang nominado gaya nina future Hall of Famer Bernard Hopkins, UFC light heavyweight champion Jon Jones, at welterweight titlist Georges St. Pierre.

Si Pacquiao na eight-time world division champion ay unang nakakuha ng ESPY Award noong 2009.

Sinimulan ng ESPN ang pagbibigay ng parangal sa mga individual at team athletes noong 2007 kung saan una nilang pinarangalan si American Undefeated Boxer at kritiko ni Pacquiao na si Floyd Mayweather, Jr.

www.gmanews.tv (edited)

Read more »

DTI-NE, naghahanda na para sa Diskwento Caravan

July 8, 2011 | 12:00 NN

Kasalukuyan nang naghahanda ang Department of Trade and Industry Nueva Ecija Provincial Office para sa pagtulak ng Diskwento Caravan na magaganap maghapon bukas sa Freedom Park, Cabanatuan City.

May 35 exhibitors ang inaasahang makikiisa sa Diskwento Caravan. Magbibigay din ng libreng gupit at masahe ang Provincial Manpower Training Center. Nakahanda naman ang DTI NERBAC Team na tulungan ang mga negosyante sa kanilang pangangailangan gaya ng pagproseo ng DTI Permit, SSS, at iba pa.

Layunin ng Diskwento Caravan na maihatid sa mga consumers ang de-kalidad na produkto na kanilang mabibili sa mas murang halaga tulad ng gamot, tinapay, canned goods, processed meat products, detergents, tsinelas at marami pang iba.

Bagamat magbubukas na ang mga exhibitor ng ala-sais y media ng umaga, pormal na sisimulan ang Diskwento Caravan sa pamamagitan ng isang programa ganap na alas-9 ng umaga.

Ang imbitasyong ito ng DTI na dumalo at mamili sa Diskwento Caravan ay bukas para sa lahat.

BiG SOUND & DZXO Newsteam

Read more »

Pagtanggal sa 12% VAT sa singil sa kuryente, isinusulong

July 14, 2011 | 3:00 PM

NAGHAIN sina 1-Care party list representatives Michael Angelo Rivera at Salvador Cabaluna III na tanggalin ang 12% value added tax sa singil kuryente.

Ayon sa mga mambabatas ang House Bill 4514 ay naglalayon na pababain ang singil sa kuryente.

Anila base kasi sa kasalukuyang sistema, nagbabayad ang mga power industry players ng ordinary income tax at ang 12% VAT ay nagpapahirap sa mga consumers dahil pinapasa ng mga energy companies sa taumbayan ang buwis.

Dagdag pa ng mga ito sa oras na maisabatas ang kanilang panukala ay ang mismong energy company na ang magbabayad ng kanilang franchise tax.

www.rmn.com.ph

Read more »

SP nagpasa ng resolusyon para maging HUC ang Cabanatuan

July 14, 2011 | 12:00 NN

Nagpasa ng resolusyon ang Sangguniang Panlungsod ng Cabanatuan noong Lunes na humihiling kay Pangulong Benigno Aquino III na magbaba ng proklamasyong nagdedeklara sa lungsod bilang Highly Urbanized City.

Ayon sa Sanggunian na pinamumunuan ni Vice Mayor Jolly Garcia, kwalipikado na ang Cabanatuan upang maging HUC, kasama na ang usaping income requirement.

Labing-isang konsehal ang lumagda sa resolusyon. Absent sa naturang sesyon si Konsehal Jess Diaz.

Sakaling maibaba na ang proklamasyon mula kay Pangulong Aquino, kukunin na ang desisyon ng mga Cabanatueño sa pamamagitan ng isang plebesito.

Isa pang resolusyon ang ipinasa ng Sanggunian sa parehong araw na humihiling kay 3rd District Representative Cherry Umali na i-sponsor ang isang bill sa Kongreso na nagdedeklara sa pagiging lone district ng Lungsod ng Cabanatuan.

PNA

Read more »