PHO-NE: Fogging laban sa dengue ng ilang LGU, mali

September 9, 2011 | 3:00 PM

Nagpaalala ang Provincial Health Office ng Nueva Ecija sa fogging operation na ipinatutupad ng ilang LGU, na maaaring magbigay pa ng ibang problema sa kalusugan at kalikasan.

Ayon kay Dr. Benjamin Lopez, dapat insecticide ang gamitin at hindi mumurahing pesticide, na masama ang epekto sa kalusugan at sa kalikasan. Dapat ay tama rin ang concentration at dilution. Ang oras ng fogging ay dapat isa hanggang dalawang oras bago sumikat ang araw, at isa hanggang dalawang oras pagkalubog ng araw. Ayon kasi kay Dr. Lopez maghapong nasa loob ng bahay ang mga lamok.

Mahalaga rin daw na may tamang pagsasanay ang mga nagsasagawa ng fogging. Dagdag pa niya, ang maling fogging system ay maaaring magbugaw lamang sa mga lamok papunta sa ibang lokasyon.

Idiniin din ni Dr. Lopez na dapat hanapin ang breeding ground ng mga lamok at dapat silang puksain sa larva stage pa lamang.

Para kay Dr. Lopez, clean up drive pa rin ang nananatiling pinaka mabisang paraan upang maiwasan ang dengue outbreak sa mga komunidad.

Samantala, sinabi ni Dr. Lopez na may 2,200 nang naitalang kaso ng dengue sa Nueva Ecija habang 5 na ang namamatay dahil sa naturang sakit ngayong taon.

Read more »

SP-NE, mabilis na ipapasa ang mga ordinansa ng mga bayan/lungsod

September 9, 2011 | 12:00 NN

Agarang ipinapasa ng Sangguniang Panlalawigan ng Nueva Ecija ang mga resolusyon at ordinansang itinutukoy sa kanila ng mga bayan at lungsod, basta't hindi sensitibo, may magandang motibo, at dumaan sa tamang proseso.

Yan ang siniguro ng Secretary to the Sangguniang Panlalawigan na si Atty. Ranier Esguerra sa ginanap na Consultative Meeting kasama ang iba pang secretaries to the sanggunian mula sa iba't-ibang bayan at lungsod ng Nueva Ecija, kahapon sa Cabanatuan City.

Sa pangunguna kasi ng Vice Governor, na ngayo'y si Vice Gov. Gay Padiernos, nire-review ng Sangguniang Panlalawigan ang mga resolusyon at ordinansang ipinapasa ng mga bayan at lungsod bago ito tuluyang maipatupad. Kasama na rito ang mga Annual Development Plan at Annual Investment Plan.

Ayon pa kay Atty. Esguerra, mahalaga ang buwanang pulong mga mga kalihim ng sanggunian upang maipaunawang mabuti sa kanila ang prosesong pang lehistratura sa pamahalaang lokal at mabawasan ang mga pagkakamali. Sa paraang ito, maiiwasan ang anumang pagka antala.

Ayon pa sa kalihim ng SP, pinapaigting pa nila ang dati na nilang programa gaya ng seminar-training para sa secretaries to the sanggunian, gayundin ang pagbisita at paminsan-minsang pagsasagawa ng kanilang lingguhang sesyon sa iba't-ibang bayan at lungsod.

BiG SOUND and DZXO Newsteam

Read more »

PH bilang ikatlong bansang madalas tamaan ng kalamidad, inaasahan na ng PAGASA

September 8, 2011 | 3:00 PM

Inaasahan na ng Philippine Atmospheric, Geophysical and Astronomical Services Administration (PAGASA) ang pagpasok ng Pilipinas sa ikatlong pwesto sa mga bansang palaging tinatamaan ng kalamidad. Sinabi ni DOST Undersecretary Graciano Yumul na nasa Ring of Fire at Tropical Cyclone Belt ang bansa kaya dapat lamang na asahan ang pagtama rito ng mga bagyo. Batay sa World Risk Index 2011 ng United Nations' University Institute for Environment and Human Security (UNU-EHS), nangunguna ang Vanuatu, pangalawa ang Tonga at pangatlo ang Pilipinas sa madalas hagupitin ng kalamidad, partikular na ng mga bagyo. Binanggit sa report na may epekto rito ang pagkaka-pwesto ng Pilipinas sa Pacific Ocean. Sinusukat sa index ang social vulnerability at exposure sa natural hazards at climate change ng mga bansa. www.dzmm.com.ph

Read more »

Red tide, may solusyon na

September 8, 2011 | 12:00 NN

NAKAHANAP na ng makabagong teknolohiya ang mga scientist para mabawasan ang paglaganap ng mapanganib na red tide.
 
Sa pag-aaral na isinagawa ng Department of Science and Technology’s Philippine Council for Aquatic and Marine Research and Development at Up-Marine Science Institute sa pamamagitan ng bola na yari sa clay ay maaari nitong mapagsama-sama ang  mga red tide organisms na nasa karagatan.

Paliwanag ni Dr. Rhodora Azanza, Co-Project Leader ng Ball Clay Technology, ang mga algal cells ay namamatay sa oras na madikit sa mga clay particles.

Ang paggamit ng clay para maibsan ang paglaganap ng red tide ay minsan nang naging matagumpay nang subukan sa pyrodinium bloom sa Masinloc Bay, Zambales.

Read more »

DOT: Mga bansa sa Asya, nag-aalala sa planong pagpapalakas ng PH tourism

September 7, 2011 | 5:00 PM


Nag-aalala na umano ang ibang bansa sa Asya sa plano ng Pilipinas na pagpapalakas ng turismo. 

Sa pagsalang ng Department of Tourism (DOT) sa budget hearing sa Senado kaugnay ng P4 bilyong proposed budget para sa susunod na taon, inihayag ni acting Secretary Ramon Jimenez Jr. na hindi problema ang kakulangan sa pananalapi pagdating sa pagiging malikhain ng mga Pilipino upang paunlarin ang turismo.

Panawagan lamang ni Jimenez, kailangan nila ang suporta ng lahat ng ahensya ng gobyerno partikular ang Department of Public Works and Highways (DPWH) para sa mga infrastructure project.

Ngayon pa lamang, ipinagmalaki ni Jimenez na nag-aalala na ang Vietnam, Thailand at Malaysia sa planong pagpapalakas ng Pilipinas ng turismo nito.

Naungusan na aniya ng Pilipinas ang mga ito noon kahit salat sa pondo kaya muli itong magagawa ngayon.
Pinag-aaralan na ng DOT ang magiging bagong brand name campaign para sa Pilipinas pero sikreto muna ito sa ngayon.

www.dzmm.com.ph

Read more »