50-libong pulis, madadagdag sa PNP

October 15, 2011 | 5:00 PM


NANGANGAILANGAN ngayon ang Phil. National Police ng higit limampung libong bagong pulis.

Ayon kay PNP Director General Nicanor Bartolome, ito ay upang mas mapaigting ang pagbabantay sa seguridad ng bawat Pilipino sa bansa.

Dagdag pa ni Bartolome, bukod dito ay kabuuang anim na libong bagong recruits na ang papasok sa PNP sa darating na nobyembre.

Sa kasalukuyan ang “Police-To-Population” ratio sa bansa ay tinatayang isang pulis kada 743-katao, mas mataas kaysa sa target na isang pulis kada limang daang katao.

www.rmnnews.com

Read more »

Pilipinas, hindi pa ligtas sa mga bagyo

October 15, 2011 | 5:00 PM

TINATAYANG apat na bagyo pa ang inaasahang tumama sa bansa bago magtapos ang taong kasalukuyan.

Ayon kay DoST Usec. Graciano Yumul, papangalanan ang mga naturang bagyo na Sendong, Tisoy, Ursula at Weng.

Samantala, bagamat nakalabas na ng bansa si Bagyong Ramon ay mahigpit naman binabantayan ng PAGASA ngayon ang isa pang Low Pressure Area.

Malaki anila ang tiyansang maging bagyo ito at posibleng pumasok sa Philippine Area of Responsibility sa darating na Huwebes.
 

Read more »

Civil Service exam, bukas na

Bukas na gagawin ang Civil Service exam sa buong bansa.

Ayon sa Civil Service Commission (CSC), 99, 416 ang kukuha ng pagsusulit sa iba't ibang testing center kung saan 83, 073 ang kukuha ng professional level examination habang ang nalalabing bilang ay sasailalim naman sa sub-professional level examination.

Pinaalalahan naman ng CSC ang mga kukuha ng exam na magdala ng valid identification card (ID) na may picture at signature o kaparehong ID card na ginamit sa pag-aaplay para makakuha ng pagsusulit.

Magsisimula ng alas 8:00 ng umaga ang pagsusulit at kinakailangang alas 7:00 pa lamang ay nasa examination venue na ang examinee.

Tatagal ang professional level examination ng 3 oras habang 2 oras at kalahati naman sa sub professional.

Ang Civil Service Examination ay isa sa mga requirements para makapagtrabaho sa mga tanggapan ng gobyerno.

Read more »

Alay Lakad ng Cabanatuan, tuloy na sa Oct 15

October 12, 2011 | 3:00 PM

Tuluy-tuloy na ang Alay Lakad 2011 ng Pamahalaang Panlungsod ng Cabanatuan.

Sa temang “Kaunlaran ng Kabanatuan, Pakinabang ng Kabataan”, ang Alay Lakad 2011 ay magaganap ngayong Sabado, October 15, alas kwatro y media ng umaga.

Magtitipon ang mga sasali sa Cabanatuan City Hall bago lumakad hanggang sa NFA Compound kung saan magaganap ang isang programa.

Mula City Hall ay dadaan ang mga partisipantes sa San Josef Sur, didiretso hanggang sa Del Pilar Street, liliko ng Gabaldon Street, Gen. Tinio, balik ng Zulueta street, tuluy tuloy hanggang NFA.

Bigbigyan ng parangal ang may pinakamalaking delegasyon at pinaka maagang grupong darating sa assembly area. Magkakaroon din ng raffle sa nasabing programa.

Karaniwan nang sumasali sa Alay Lakad ang PNP, Philippine Army, youth groups, local at national government offices, business establishments, NGOs, religious groups, bankers, private and public schools.

Ang Alay Lakad executive committee ay patuloy na nagaanyaya ng mga nais makibahagi sa aktibidad na ito. Makipag-ugnayan lamang sa kanilang secretariat na nasa Cabanatuan City Social Welfare and Development Office.

Read more »

Kris, nagpasalamat sa imbitasyon bilang envoy ng UNHCR

October 12, 2011 | 12:00 NN

Hindi makapaniwala si "Queen of All Media" Kris Aquino sa pag-iimbita ng United Nations High Commission for Refugees UNHCR na gawin siyang "Goodwill Ambassador for Asia."

Para sa presidential sister, isang karangalan din ng bansa ang pagtitiwalang ibinigay sa kanya ng UNHCR, kung saan maihahanay siya kay Hollywood superstar Angelina Jolie na envoy naman para sa Amerika.

Ibinahagi rin ni Kris Aquino na matagal na niyang hinihintay ang imbitasyon ng UNHCR at halos mawalan na rin siya ng pag-asa na makuha ito.

Nakatakdang makipagpulong si Kris sa execuvive committee ng UNHCR sa susunod na linggo. 

www.dzmm.abs-cbnnews.com

Read more »