CELCOR: Sumacab Este, Sur Hi-Way mawawalan ng kuryente

July 20, 2011 | 5:00 PM

Pinapaalam ng Cabanatuan Electric Corporation na mawawalan ng kuryente sa Maharlika Highway, Sumacab Este at Sumacab Sur.

Ang power interuption sa mga nasabing lugar ay magaganap sa Biyernes, ika-22 ng Hulyo mula 8:45 AM hanggang 12:00 NN.

Ayon sa CELCOR, maaaring magkaroon ng kuryente nang mas maaga sa nabanggit na oras.


BiG SOUND and DZXO Newsteam

Read more »

Accomplishment ng Aquino Administration, hindi isasama sa SONA

July 20, 2011 | 5:00 PM

POSIBLENG hindi na isama sa nilalaman ng State of the Nation Address (SONA) ni Pangulong Benigno Aquino III ang ilan sa mga nagawa ng kanyang administrasyon.

Ayon kay Presidential Communications Operations Office Sec. Herminio “Sonny” Coloma, nagkaka-problema kasi sila kung paano ipagsasama-sama ang mga accomplishment ng Aquino Administration, gayong gusto ni Pangulong Aquino ng maikling talumpati.

 Kaya naman pili lang aniya ang mga isasama sa sona ng Pangulo at ilalagay na lamang sa ipapamahaging report ang ibang nagawa ng administrasyon.

 Nabatid na halos isang buwan ng pinaghahandaan ng Malacañang ang nilalaman ng SONA ni PNoy, ngunit ilan sa mga malalaking nagawa ng administrasyon ay hindi na maisa-sama.

www.rmn.com.ph

Read more »

4 na hinihinalang holdaper ng bus, patay sa engkwentro sa Nueva Ecija

July 20, 2011 | 3:00 PM


Patay sa engkwentro ang apat na hinihinalang holdaper sa Santo Domingo, Nueva Ecija.

Batay sa inisyal na ulat, sinabi ni PNP Region 3 Director, Chief Superintendent Ed Ladao na hinoldap ng grupo ang isang Baliwag Transit Bus sa bahagi ng Malasin Village.


Nakarating naman agad ang impormasyon sa Santo Domingo Police kaya mabilis silang nakaresponde

Nahuli ng pulisya ang mga suspek sa Barangay Burgos kung saan naganap ang shootout bandang alas-4 kaninang madaling araw.

www.dzmm.com.ph

Read more »

Mayor Sara Duterte, may pagkakamali sa ginawang pagsapak sa sheriff – DILG

July 20, 2011 | 3:00 PM

Lumitaw na guilty sa "conduct unbecoming of a public official" si Davao City mayor Sara Duterte kaugnay sa pagsuntok nito sa court sheriff ng lungsod, batay sa isinagawang imbestigasyon ng Department of Interior and Local Government (DILG).

Sa panayam ng media nitong Martes, sinabi ni Interior Secretary Jesse Robredo, na nakapaloob sa 18-pahinang ulat ng DILG fact-finding committee ang rekomendasyon na sampahan ng kasong administratibo si Duterte.

Ito ay kaugnay sa ginawang pagsuntok ni Duterte kay Court sheriff Abe Andres noong July 1 nang maganap ang marahas na demolisyon sa nasabing lungsod.

Nauunawaan umano ng DILG ang hangarin ni Duterte na maiwasan ang karahasan sa demolisyon pero hindi umano nararapat ang ginawa nitong pananakit kay Cruz.

Bukod dito, lumitaw din sa ginawang pagsisiyasat ng DILG na may pagkukulang din ang lokal na korte sa Davao city kaugnay sa pagpapatupad ng kautusan tungkol sa demolisyon.


Maaaring daw hindi nag-abot ang sheriff at ang mayor kung sinunod ng korte ang 30 days notice at hindi sila nag-apura.

Nakasaad din sa ulat ng fact-finding committee ng DILG na dapat ikinunsidera ng korte ang "extraordinary external circumstances" sa lungsod na katatapos lang mapinsala ng flash flood.

Sinabi ni Robredo na ipadadala ng DILG ang kopya ng ulat ng fact-finding sa Office of the Ombudsman dahil dito isinampa ng Sheriffs Confederation of the Philippines ang reklamo laban kay Duterte.

Bukod dito, nahaharap din sa disbarment case si Duterte sa Integrated Bar of the Philippines.

Sa kabila nito, sinabi ni Robredo na hindi pa rin masususpind sa ngayon si Duterte dahil wala namang pormal na reklamong inihahain sa DILG laban sa alkalde ng Davao city.

www.dzmm.com.ph

Read more »

Zaldy Ampatuan, pinayagang makalabas at makapagpa-check-up

July 20, 2011 | 12:00 NN

MAKAKALABAS at makakapagpacheck-up na si dating ARMM governor Zaldy Ampatuan.

Ito ay matapos payagang pansamantalang makalabas ng Quezon City Regional Trial Court.

Magpapa-check up si Zaldy Ampatuan sa Philippine Heart Center sa Quezon City at hinihintay na lamang ng nasabing pagamutan ang kopya ng QC-RTC Branch 221 kung saan pinapayagan itong magpa-check-up.

Matatandaan na una nang hiniling ng kampo ni Zaldy sa korte na maipasuri ang kanyang kalusugan sa St. Lukes Medical Center, pero tumanggi naman ang pamunuan ng St. Luke’s sa dahilan na may kaugnayan sa isyu ng pangseguridad.

Si Zaldy Ampatuan ay isa sa mga itinuturong responsable sa karumal-dumal na Maguindaao Massacre noong taong 2009 Maguindanao Local Elections.

57 katao ang pinatay ng sinasabing private army ng pamilya Ampatuan kung saan kabilang sa mga ito ang 32 mamamahayag.

www.rmn.com.ph

Read more »