LPA, isa ng tropical depression; signal #1 nakataas sa 7 lugar

June 9, 2011 | 2:00 PM

Isa nang tropical depression ang Low Pressure Area na nagpapaulan sa Gitnang Luzon at tinatawag na ito sa pangalang "Dodong".

Batay sa tala ng PAGASA kaninang alas 11:00 ng umaga, namataan ang sentro ng tropical depression sa layong 60 kilometro Timog-Kanluran ng Iba, Zambales.

Taglay nito ang lakas ng hangin na 55 kilometro bawat oras malapit sa gitna at kumikilos pa-Hilaga Hilagang-Kanluran sa bilis na 15 kilometro bawat oras.

Inaasahan ang Tropical Depression Dodong na nasa layong 210 kilometro sa Kanluran ng Laoag City bukas ng umaga at 40 kilometro sa Kanluran Hilagang-Kanluran ng Basco, Batanes sa Sabado ng umaga.

Nakataas na ang public storm warning signal number 1 sa Metro Manila, Bataan, Pampanga, Tarlac, Zambales, Pangasinan at Cavite.

Maglalabas ng panibagong weather bulletin ang Pagasa mamayang ala-singko ng hapon.

Read more »

Pagasa: LPA, nasa bansa pa rin

June 9, 2011 | 12:00 NN

Patuloy na makakaranas ng pag-ulan ang Luzon habang ang binabantayang low pressure area ay patuloy na nananatili sa bansa.

Sa kanilang weather forecast, sinabi ng Pagasa na ang naturang low pressure area ay namataan pitumpung kilometro timog silangan ng Iba, Zambales. Ito ay nakapaloob sa intertropical convergence zone at kumikilos pakanluran hilagang kanluran sa bilis na pitong kilometro kada oras.

Read more »

Agri-tourism, ipinapanukala para lumakas ang industriya ng turismo sa Pilipinas

June 9, 2011 | 12:00 NN

IPINAPANUKALA ngayon sa Department of Tourism ang pag-angkop sa bagong “tourism product” na tinatawag na “agri-tourism.”

Pinangunahan ni A-Linx Events International Incorporated, President Kenneth Dong ang proposal na kanyang iprinisenta sa mga kinatawan ng DOT at ng Department of Agriculture para sa operasyong nito.

Sa ilalim aniya nito, gagawing atraksyon ang farming communities kung saan maaring makibahagi sa aktibidad ang mga foreign tourist.

Kaugnay nito, ang mga food products ng mga probinsya ay dapat aniya ibida ng toursim department kasama na ang mayamang kultura ng mga ito na tiyak na magpapa-engganyo sa mga dayuhan na bisitahin ang Pilipinas.

Naniniwala ang nasabing opisyal na hindi dapat limitado lamang ang turismo sa bansa sa pagsusulong ng mga nag-gagandahang karagatan, historical sites at iba pang urban destination.

www.rmn.com.ph

Read more »