Ika- 20 ng Hunyo, special non-working day ayon sa Palasyo

June 11, 2011 | 5:00 PM

IPINA-ALALA ng Palasyo na may pasok sa mga pampubliko o pribadong kumpanya at paaralan sa Lunes, June 13.

Pero sa kabila nito, idineklara ng Malakanyang na special non-working day naman ang sa ika- 20 ng hunyo bilang paggunita sa ika- 150 kaarawan ng national hero na si Dr. Jose Rizal.

Layon nitong mabigyan ng pagkakataon ang publiko na alalahanin ang mga nagawang kabayaninhan ni Rizal.

www.rmn.com.ph

Read more »

Public service booths ng pamahalaan, inilunsad sa Luneta bilang bahagi ng pagdiriwang ng Araw ng Kalayaan

June 11, 2011 | 5:00 PM

Naglunsad ng isang public service program ang iba't ibang ahensya ng pamahalaan sa Luneta bilang bahagi ng pagdiriwang ng Araw ng Kalayaan bukas.

Sinabi ni Department of Tourism (DOT) National Parks Development Committee Executive Director Juliet Villegas na nagtayo ng iba't ibang booth ang iba't ibang ahensya ng pamahalaan para magbigay ng serbisyo publiko.

Kabilang aniya rito ang Department of Trade and Industry (DTI) na naglunsad ng kanilang diskwento caravan at Department of Labor and Employment (DOLE) na mayroon namang jobs fair.

Maaari rin aniyang magparehistro ng sasakyan sa booth ng Land Transportation Office (LTO) at kumuha ng National Bureau of Investigation (NBI) clearance sa booth naman ng NBI.

Sinabi ni Villegas na hanggang bukas magbibigay serbisyo ang mga booth ng pamahalaan at muli silang babalik sa June 19 kasabay naman ng pagdiriwang ng kaarawan ni Jose Rizal.

www.dzmm.com.ph 

Read more »

Dagdag na COLA ng mga manggagawa sa Region III, aprubado na

June 11, 2011 | 12:00 NN

Inaprubahan na ng Central Luzon Regional Tripartite Wages and Productivity Board (RTWPB) ang karagdagang P14 na cost of living allowance sa mga manggagawa sa Region III.

Dahil dito, sinabi ni Labor Department Central Luzon Information Officer Gerry Borja na umaabot na sa P330 ang arawang sahod ng mga non-agricultural workers sa rehiyon mula sa dating P316.

Sinabi ni Borja na inaprubahan ang wage order bilang ayuda sa mga manggagawa dahil sa patuloy na pagtaas ng antas ng pamumuhay sa Gitnang Luzon.

www.dzmm.com.ph

Read more »

Sabayang pagtataas ng bandila, gaganapin bukas

June 11, 2011 | 3:00 PM

Bilang pagdiriwang ng ika-isang daan at labing tatlong taong anibersaryo ng Pamamahayag ng Araw ng Kalayaan ng Pilipinas, magkakaroon ng sabayang pagtataas ng watawat sa iba’t-ibang panig ng bansa bukas.

Ganap na alas-siyete ng umaga, sa pangunguna ni Pangulong Benigno Aquino III, itataas ang watawat ng Pilipinas sa Rizal, Monument, Rizal Park. Sasabay dito ang mga sumusunod na mga lugar:

Emilio Aguinaldo Shrine, Kawit, Cavite

Barasoain Church,  Malolos, Bulacan

Mausoleo de los Veteranos de la Revolucion, Manila North Cemetery

Gat Andres Bonifacio National Monument, Caloocan City

Pinaglabanan Memorial Shrine, San Juan City

Pamintuan Mansion, Angeles City

Sasabay din sa pagtataas ng bandila ang Cebu City at Davao City

Magsasagawa rin ng maghapong Independence Day Job Fair ang Department of Labor and Employment sa Rizal Park, Manila.

Magbibigay naman ng libreng serbisyo bukas ang LRT at MRT mula alas siyete hanggang alas nuebe ng umaga.

Ang National Historical Commission of the Philippines ang naatasang manguna sa mga programa at gawain para sa pagdiriwang ng Araw ng Kalayaan. Para sa kumpleting listahan ng program and activities, bumisita sa kanilang website: www.nhcp.gov.ph

BiG SOUND and DZXO Newsteam

Read more »