Congresswoman Gloria Macapagal-Arroyo, bumubuti na ang kalagayan

BUMUBUTI na ang kondisyon ni dating pangulo at ngayo’y Pampanga Representative Gloria Macapagal-Arroyo.

Ito ang kinumpirma ng kanyang mga doktor sa St. Lukes Medical Center matapos bumalik ni Arroyo sa ospital kahapon para sa kanyang follow-up check-up.

Ayon sa orthopedic surgeon ng dating pangulo, nag-improve ng husto ang kondisyon nito at wala na itong nararamdamang sakit ng leeg pati na rin ng braso at kamay.

Sa resulta ng huling X-ray ni Arroyo, lumitaw na matibay na ang implant device nito.

Read more »

Maalinsangang panahon, dahil sa Hanging Amihan

HANGING Amihan ang dahilan ng maalinsangan panahon nitong mga nakakaraang araw.



Ayon sa PAGASA, parte ng weather cycle ang pag init ng panahon sa tuwing papasok ang Hanging Amihan.

Pero sa oras na matapos ang nasabing transition period ng panahon, makakaranas na ang bansa ng mas malamig na hangin.

Kasabay nito ay hindi naman sinabi ng PAGASA kung hanggang kelan tatagal ang weather transition.

Sa kasalukuyan patuloy pa rin ang maalinsangan panahon sa bansa kung saan posibleng magkaroon ng kalat-kalat na thunderstorms at rainshowers sa hapon at gabi.

Read more »

DA: Presyo ng mga gulay, mataas pa rin dahil sa mga nagdaang bagyo

Hindi pa masabi ng Department of Agriculture kung kailan bababa o babalik sa normal ang presyo ng mga gulay matapos manalasa ang mga Bagyong Pedring at Quiel.

Ayon kay Agriculture Assistant Secretary Salvador Salacup, kulang pa ang suplay ng gulay lalo na ang mga lowland vegetable dahil marami pang taniman ang lubog sa baha.

Ang mga gulay naman mula sa highland area gaya sa Cordillera ay nagsisimula pa lamang makarekober ang production area.

Sinabi ni Salacup na 65% ng national supply ng gulay sa buong bansa ay mula sa Cordillera at Rehiyon 3 na matinding sinalanta ng bagyo kaya matindi ang naging epekto sa presyo ng mga gulay.

Tumatagal aniya ang produksyon ng gulay ng tatlong linggo hanggang isang buwan kaya matatagalan pa bago bumalik sa normal ang presyo nito

Read more »

Trabaho sa mga magulang, solusyon sa child labor

TRABAHO para sa mga magulang.

Ito ang nakikitang solusyon ng International Labor Group upang masugpo ang lumolobong bilang ng child labor cases sa bansa.

Ayon kay Jesus Macasil, ILO Senior Program Officer, batay sa kanilang pag-aaral, umabot na sa mahigit 2.4 milyong kabataan ang bilang ng child labor sa bansa at kung hindi agad sila kikilos ay posibleng madoble pa ang bilang sa mga susunod pang taon.

Ang pagbibigay ng social services sa mga magulang ng mga kabataan ang maaari nilang maibigay.

Nabatid na ang may pinakamaraming Child Labor Case ay mula sa mga bayan ng Masbate kung saan ang mga magulang mismo ang nag-uudyok sa kanilang mga anak na maghanap buhay kahit sa murang edad.

Read more »