Congresswoman Gloria Macapagal-Arroyo, bumubuti na ang kalagayan

BUMUBUTI na ang kondisyon ni dating pangulo at ngayo’y Pampanga Representative Gloria Macapagal-Arroyo.

Ito ang kinumpirma ng kanyang mga doktor sa St. Lukes Medical Center matapos bumalik ni Arroyo sa ospital kahapon para sa kanyang follow-up check-up.

Ayon sa orthopedic surgeon ng dating pangulo, nag-improve ng husto ang kondisyon nito at wala na itong nararamdamang sakit ng leeg pati na rin ng braso at kamay.

Sa resulta ng huling X-ray ni Arroyo, lumitaw na matibay na ang implant device nito.