Pagasa: Total lunar eclipse, makikita sa June 16

June 10, 2011 | 3:00 PM

Ibinalita ng PAGASA na magkakaroon ng total lunar eclipse sa June 16.

Ayon kay PAGASA acting administrator Nathaniel Servando, kung hindi magiging maulap ang kalangitan sa June 16, malinaw na makikita ang total lunar eclipse mula sa Pilipinas, 1:23 AM hanggang 7:02 AM.

Read more »

Pagasa: Tropical Storm Dodong, patuloy na kumikilos palayo sa bansa

June 10, 2011 | 3:00 PM

Nasa labas na ng Philippine Area of Responsibility ang Tropical Storm Dodong at patuloy na kumikilos palayo sa bansa.

Sa pinal na bulletin sa bagyo na ipinalabas ng PAGASA, namataan ang sentro ni Dodong sa layong 330 kilometro sa Hilagang-Kanluran ng Laoag City kaninang alas 10:00 ng umaga.

Si Dodong ay may taglay na lakas ng hanging aabot ng 65 kilometro bawat oras malapit sa gitna at pagbugsong aabot ng hanggang 80 kilometro bawat oras.

Tinatayang kikilos si Dodong ng pa-Hilaga Hilagang-Kanluran sa bilis na 25 kilometro bawat oras.

Inaasahang pag-iibayuhin ni Dodong ang habagat na magdadala ng mga pag-ulan sa Kanlurang bahagi ng Hilaga at Gitnang Luzon.

Read more »

Dallas Mavericks panalo sa Game 5 ng NBA Conference Finals

June 10, 2011 | 12:00 NN

Patuloy na naghahari ang Dallas Mavericks sa kanilang teritoryo.

Nasungkit ng Mavericks ang panalo sa Game 5 ng NBA Conference Finals kontra Miami Heat.

Natapos ang laro makaraang mai-poste ang score na 112-103, dahilan upang maka abante ang Dallas laban sa Miami sa series score na 3-2.

Read more »

Sa Kauna-unahang pagkakataon, PNoy pangungunahan ang pagdiriwang ng Araw ng Kalayaan

June 10, 2011 | 12:00 NN

Sa kauna-unahang pagkakataon ay pangungunahan ni Pangulong Benigno Noynoy Aquino III ang pagdiriwang ng Araw ng Kalayaan ngayong darating na Linggo, June 12.

Ang pagdiriwang ng ika isang daan at labintatlong taong Araw ng Kalayaan ay sisimulan sa pamamagitan ng isang flag raising ceremony sa Kawit, Cavite. Susundan ito ng isang vin d' honneur sa Malacañang ganap na alas-diyes ng umaga sa pangunguna pa rin ni PNoy. Ganap na alas kwatro ng hapon ay magkakaroon ng iba't ibang seremonya at pagdiriwang sa Quirino Grandstand.

Inatasan ng Palasyo ang National Historical Commission of the Philippines na pangunahan ang pagdiriwang ng Araw ng Kalayaan sa buong bansa.

Bilang paghahanda sa Independence Day, ginunita ng bansa ang National Flag Day noong May 28 kung kailan sinimulan ang kampanya ng pagdi-display ng watawat ng Pilipinas hanggang sa June 12.

Read more »