Signature campaign para isulong ang FOI Bill, ilulunsad

August 1, 2011 | 12:00 NN

Maglulunsad ng signature campaign ang iba't ibang grupo ng mamamahayag para isulong ang pagpasa ng Freedom of Information (FOI) Bill.

Ayon sa National Press Club (NPC), nagpasya silang ilunsad ang signature campaign makaraang hindi banggitin ni Pangulong Benigno "Noynoy" Aquino III ang kaniyang mga plano kaugnay ng FOI Bill sa kanyang ikalawang State of the Nation Address (SONA) noong Hulyo 25.

Bukod sa NPC, makikiisa din sa kampanya ang Burgos Media Center, Alyansa ng mga Pilipinong Mamamahayag, at College Editors' Guild of the Philippines-National Capital Region (NCR).

Sisimulan ang signature bukas ng ala 1:00 ng hapon sa Miriam College sa Quezon City at magkakaroon din ng press freedom forum sa iba't ibang eskwelahan sa Metro Manila.

www.dzmm.com.ph