Huwag matakot magdonate ng dugo –DOH

July 13, 2011 | 3:00 PM

NANAWAGAN si Department of Health secretary Enrique Ona sa publiko na huwag matakot magdonate ng dugo.

Dagdag pa nito, gawing regular ang pagbibigay ng dugo sa mga health centers.

Aniya, hindi ito dapat katakutan ng publiko dahil mapapalitan naman ng bagong dugo ang mawawalang dugo sa kanila.

Sinabi din ng kalihim na maliban sa makakatulong na ang mga magdodonate sa nangangailangan, matutulungan pa ang donor na muling maging healthy ang kanilang katawan.

Kasabay nito ay pinaliwanag din ni Ona na dahil sa muling na paglaganap ng nakamamatay na dengue, at iba pang sakit na may kaugnayan sa dugo ay mas kinakailangan ng nasabing ahensya ang mas maraming suplay ng dugo.

Sa bisa ng Presidential Proclamation Number 1021 ng 1997, ginugunita ng DOH ang National Blood Donors Month ngayong Hulyo.

www.rmn.com.ph