Bebeng, humina

May 9, 2011 | 3:00 PM

Sa pinakahuling advisory ng PAGASA, nananatiling nasa ilalim ng Signal Number 1 ang lalawigan ng Nueva Ecija habang bahagyang humina si bagyong Bebeng matapos itong mag land fall sa Northern Casiguran, Aurora Province.

Sa 11AM advisory ng PAGASA, si Bebeng ay nasa 80 kilometer south southeast ng Tuguegarao City o 55 kilometer north northwest ng Casiguran, Aurora kaninang alas-10 ng umaga. Si Bebeng ay kumikilos sa bilis na 75 kph malapit sa gitna.

Si Bebeng ay may international name na Aere.

Nakataas ang Signal Number 2 sa mga sumusunod na lugar:

Aurora

Isabela

Quirino

Nueva Vizcaya

Ifugao

Mt. Province

Kalinga

at Cagayan

Maliban sa Nueva Ecija, Signal Number 1 din sa mga sumusunod na lugar:

Northern Quezon

Polillo Island

Benguet

Abra

Ilocos Norte

Apayao

Babuyan

Calayan group of Islands

at Batanes

Nagbabala ang PAGASA na si Bebeng ay maaaring mapalakas ang southwest monsoon na magdudulot ng pag-ulan sa Southern Luzon at Visayas.

Pinayuhan din nila ang mga residente sa mga mabababa at bulubunduking lugar na nasa ilalim ng Storm Signal Number 1 at 2 na gawin ang mga pag-iingat sa posibleng flashfloods at landslides.

RSJ, GMA News