Mag-asawang Israeli, pinangalanan ang anak na ‘Like’

May 17, 2011 | 3:00 PM

Pinangalanan ng mag-asawang Israeli ang kanilang bagong anak ng isang salitang mula sa sikat na networking site na Facebook.

Sa kanilang pagnanais na maging kakaiba at original, ang pangalang ibinigay nila sa kanilang bagong baby ay “Like”.

Ayon sa amang si Lior Adler, napili nila ang pangalang “Like” dahil ito ang pinakamalapit na kahalintulad ng pangalang “Love”. Napili nila ang Like dahil aniya, tunog moderno, at walang katulad sa buong mundo.

Ang salitang LIKE ay karaniwan nang nakikita sa facebook at pinipindot kung nagugustuhan mo ang post ng isang kaibigan.

Nang ipinost ni Adler ang larawan ni Like sa facebook, sa 100 niyang friends, 40 ang nag-like.